കൊച്ചി: തുടർച്ചയായി രണ്ടാം ദിനത്തിലും സ്വർണ വില കൂടി. ഇന്ന് പവന് 160 രൂപയാണ് ഉയർന്നത്. ഇതോടെ ഒരു പവൻ സ്വർണത്തിന്റെ വില 37,120 ആയി. ഒരു ഗ്രാം സ്വർണത്തിന്റെ വിലയും വർധിച്ചു. 20 രൂപ വർധിച്ച് ഒരു ഗ്രാം സ്വർണത്തിന്റെ വില 4,640 രൂപയായി.
ഡിസംബർ എട്ടിന് ഈ മാസത്തെ ഏറ്റവും ഉയർന്ന നിലവാരത്തിൽ സ്വർണ വില എത്തിയിരുന്നു. 37,280 രൂപയായിരുന്നു അന്ന് ഒരു പവൻ സ്വർണത്തിന്റെ വില. തുടർച്ചയായ ദിവസങ്ങളിൽ സ്വർണ വില ഇടിഞ്ഞതിന് ശേഷമായിരുന്നു ഇന്നലെ വീണ്ടും ഉയർന്നത്. പിന്നാലെ ഇന്നും നേരിയ വർധന രേഖപ്പെടുത്തുകയായിരുന്നു.
കോവിഡ് വാക്സിൻ വിതരണം തുടങ്ങിയത് ഉൾപ്പെടെയുള്ള ആഗോള വിഷയങ്ങളാണ് സ്വർണ വിലയിൽ പ്രതിഫലിക്കുന്നത്. ആഗോള വിപണിയിലുണ്ടായ ചലനങ്ങൾ ആഭ്യന്തര വിപണിയെയും സ്വാധീനിക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ