കൊച്ചി: സംസ്ഥാനത്ത് ഇന്ധന വിലയില് കുറവു തുടരുന്നു. പെട്രോള് ലിറ്ററിന് ഏഴു പൈസയും ഡീസലിന് അഞ്ചു പൈസയുമാണ് ഇന്ന് കുറഞ്ഞത്. രണ്ടാഴ്ചയ്ക്കിടെ പെട്രോള് വിലയില് ഒന്നര രൂപയോളവും ഡീസലില് രണ്ടുരൂപയോളവും കുറവു രേഖപ്പെടുത്തി.
പെട്രോള് ലിറ്ററിന് 75.02 രൂപയാണ് കൊച്ചിയില് ഇന്നത്തെ വില. ഇന്നലെ ഇത് 75.09 ആയിരുന്നു. 69.69 ആണ് ഡീസല് നിരക്ക്. രണ്ടാഴ്ചയിലേറെയായി സംസ്ഥാനത്ത് തുടര്ച്ചയായ ഇടിവാണ് ഇന്ധന വിലയില് രേഖപ്പെടുത്തുന്നത്. ഈ ദിവസങ്ങളില് ഒരിക്കല് പോലും ഇന്ധനവില ഉയര്ന്നിട്ടില്ല.
അന്താരാഷ്ട്ര വിപണിയില് അസംസ്കൃത എണ്ണ വില കുറയുകയാണ്. ചൈനയിലെ കൊറോണ വൈറസ് ഭീതി ആഗോള തലത്തില് എണ്ണ ഉപഭോഗത്തില് ഇടിവുണ്ടാക്കുമെന്ന വിലയിരുത്തലിലാണ് എണ്ണ വില കുറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ