കൊച്ചി: തുടര്ച്ചയായി രണ്ട് ദിവസം മാറ്റമില്ലാതെ തുടര്ന്ന സ്വര്ണവിലയില് വര്ധന. 320 രൂപയുടെ വര്ധനയോടെ ഒരു പവന് സ്വര്ണത്തിന്റെ വില 38,400 രൂപയായി. രണ്ടുമാസത്തിനിടെ, ഏറ്റവും ഉയര്ന്ന നിലയിലാണ് സ്വര്ണവില എത്തിയത്. ഡോളറിന്റെ മൂല്യത്തിലെ മാറ്റങ്ങള് ഉള്പ്പെടെ ആഗോള സമ്പദ്വ്യവസ്ഥയിലെ ചലനങ്ങളാണ് സ്വര്ണവിലയില് പ്രതിഫലിക്കുന്നത്.
ഗ്രാമിന്റെ വിലയും ഉയര്ന്നിട്ടുണ്ട്. 40 രൂപ വര്ധിച്ച് ഒരു ഗ്രാം സ്വര്ണത്തിന്റെ വില 4800 രൂപയായി.കഴിഞ്ഞ മാസത്തിന്റെ തുടക്കത്തില് 37280 രൂപയായിരുന്നു ഒരു ഗ്രാം സ്വര്ണത്തിന്റെ വില. ഒരു ഘട്ടത്തില് 37120 രൂപയായി താഴ്ന്നു. തുടര്ന്ന് ആഴ്ചകളോളം നീണ്ട ചാഞ്ചാട്ടങ്ങള്ക്ക് ഒടുവില് 27ന് കഴിഞ്ഞമാസത്തെ ഏറ്റവും ഉയര്ന്ന നിലവാരത്തില് സ്വര്ണവില എത്തി. പവന് 37,880 രൂപ. പിന്നീട് കുറഞ്ഞ സ്വര്ണവില വീണ്ടും തിരിച്ചുകയറുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ