കൊച്ചി: തുടര്ച്ചയായ ഇടിവുകള്ക്ക് ശേഷം സ്വര്ണവില രണ്ടാം ദിവസവും ഉയര്ന്നു. പവന് ഇന്ന് 160 രൂപയാണ് വര്ധിച്ചത്. ഇതോടെ ഒരു പവന് സ്വര്ണത്തിന്റെ വില 37360 രൂപയായി. ആഗോളതലത്തിലെ മാറ്റങ്ങളാണ് സ്വര്ണവിലയില് പ്രതിഫലിക്കുന്നത്.
ഗ്രാമിന്റെ വിലയും വര്ധിച്ചിട്ടുണ്ട്. 20 രൂപയുടെ വര്ധനയോടെ ഒരു ഗ്രാം സ്വര്ണത്തിന്റെ വില 4670 ആയി ഉയര്ന്നു. വ്യാഴാഴ്ച ഈ മാസത്തെ ഏറ്റവും താഴ്ന്ന നിലവാരത്തില് സ്വര്ണവില എത്തിയിരുന്നു. പവന് 36,720 രൂപ. പിന്നീട് ഘട്ടം ഘട്ടമായാണ് ഇന്നത്തെ നിലവാരത്തില് എത്തിയത്. അതിനിടെ സ്വര്ണവിലയില് ചാഞ്ചാട്ടമാണ് ദൃശ്യമായത്.
ഈ മാസം 21ന് രേഖപ്പെടുത്തിയ 38,160 രൂപയാണ് ഈ മാസത്തെ ഏറ്റവും ഉയര്ന്ന വില. ഈ മാസത്തിന്റെ തുടക്കത്തില് 37,800 രൂപയായിരുന്നു ഒരു പവന് സ്വര്ണത്തിന്റെ വില. ഡോളറിന്റെ മൂല്യത്തിലുണ്ടാകുന്ന മാറ്റങ്ങളും കോവിഡ് പ്രതിസന്ധി മറികടക്കാന് അമേരിക്ക ധനസഹായം പ്രഖ്യാപിക്കാന് നീക്കം നടത്തുന്നതായുളള റിപ്പോര്ട്ടുകളുമാണ് സ്വര്ണവിലയില് പ്രതിഫലിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ