ന്യൂഡൽഹി: ഇന്ധന വില വീണ്ടും കൂടി. തുടർച്ചയായ 13ാം ദിവസമാണ് ഇന്ധനവില വർധിക്കുന്നത്. പെട്രോൾ ലിറ്ററിന് 56 പെസയും ഡീസൽ ലിറ്ററിന് 60 പൈസയുമാണ് ഇന്ന് വർധിപ്പിച്ചത്.
13 ദിവസത്തിനിടെ ഒരു ലിറ്റർ പെട്രോളിന് 7.09 രൂപയും ഒരു ലിറ്റർ ഡീസലിന് 7.28 രൂപയുമാണ് കൂടിയത്. കൊച്ചിയിൽ പെട്രോളിന്റെയും ഡീസലിന്റെയും ഇന്നത്തെ വില ഇപ്രകാരമാണ്.പെട്രോൾ ലിറ്ററിന് 78 രൂപ 63 പൈസ. ഡീസൽ വില 73 രൂപ 06 പൈസ എന്നിങ്ങനെയാണ്.
രാജ്യാന്തര വിപണിയില് അസംസ്കൃത എണ്ണയുടെ വില കുത്തനെ ഇടിഞ്ഞെങ്കിലും സര്ക്കാര് എക്സൈസ് ഡ്യൂട്ടി മൂന്നു രൂപ വര്ധിപ്പിച്ചതോടെ അതിന്റെ ഗുണം ഉപഭോക്താക്കള്ക്കു ലഭിച്ചിട്ടില്ല.
ഇപ്പോള് രാജ്യാന്തര വിപണിയിലെ വില തിരിച്ചുകയറുന്ന പശ്ചാത്തലത്തില് എണ്ണക്കമ്പനികള് ആഭ്യന്തര വില്പ്പന വില ഉയര്ത്തുകയാണ്. ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 40 ഡോളറാണ്. മാസങ്ങള്ക്ക് മുന്പ് ഒരു ഘട്ടത്തില് അസംസ്കൃത എണ്ണ വില ബാരലിന് 16 ഡോളറായി താഴ്ന്നിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ