ന്യൂയോർക്ക്: തങ്ങളുടെ ഏറ്റവും പുതിയ ഉത്പന്നങ്ങൾ ലോകത്തിന് മുൻപിലേക്ക് വെച്ച് ആപ്പിൾ. പുതുതലമുറ ഐഫോൺ 13 സീരിസിലേക്കാണ് ലോകത്തിന്റെ ശ്രദ്ധയെത്തിയത്. ഐഫോൺ 13 സീരിസിനൊപ്പം ആപ്പിൾ വാച്ച് സീരീസ് 7ഉം പുറത്തിറക്കി.
ആപ്പിൾ മേധാവി ടിം കുക്കാണ് കമ്പനി പുതിയ ഉൽപ്പന്നങ്ങളെ ഉപഭോക്താക്കൾക്ക് പരിചയപ്പെടുത്തിയത്. മികച്ച സ്റ്റൈലും കരുത്തുറ്റ പെർഫോമൻസുമായാണ് ഐഫോൺ 13 സിരീസ് എത്തുന്നത്. ഐ ഫോൺ 13 മിനിയും പുറത്തിറക്കി. ഐഫോൺ 13 റീസൈക്കിൾ മെറ്റീരിയലുകൾ ഉപയോഗിച്ചാണ് നിർമിച്ചിരിക്കുന്നത്.
അഞ്ച് നിറങ്ങളിലാണ് ഐ ഫോൺ 13 എത്തുന്നത്. സെറാമിക് ഷീൽഡ് ഫ്രണ്ട്, ഫ്ലാറ്റ് എഡ്ജ് ഡിസൈനിൽ പിങ്ക്, ബ്ലൂ, മിഡ്നൈറ്റ്, സ്റ്റാർലൈറ്റ്, പ്രോഡക്റ്റ് റെഡ് നിറങ്ങളിലാകും പുതിയ ഐഫോൺ വിപണിയിലെത്തുക. പുതിയ ഐപാഡ് മിനിയും കമ്പനി പുതിയതായി അവതരിപ്പിച്ചു.
ഐഫോൺ 13, ഐഫോൺ 13 മിനി എന്നിവയുടെ ബേസിക്ക് സ്റ്റോറേജ് മോഡലുകൾ 128 ജിബിയിൽ തുടങ്ങി 512 ജിബി വരെയാണ്. ഐഫോൺ 13 മിനി വില ആരംഭിക്കുന്നത് 699 ഡോളറിലാണ് (എകദേശം 51,469 രൂപ). ഐഫോൺ 13ൻറെ വില ആരംഭിക്കുന്നത് ഡോളർ 799നാണ് (എകദേശം 58,832 രൂപ).
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
