ടെസ്ല, സ്പേസ് എക്സ് സിഇഒ ഇലോൺ മസ്ക് ഓസ്ട്രേലിയന് നടി നടാഷ ബസെറ്റുമായി പ്രണയത്തിലെന്ന് റിപ്പോര്ട്ട്. യുഎസിലെ ലോസ് ആഞ്ചലസില് വച്ച് മസ്കിന്റെ ഗള്ഫ്സ്ട്രീം എന്ന പ്രൈവറ്റ് ജെറ്റില് നിന്ന് ബസെറ്റ് പുറത്തേക്കിറങ്ങുന്ന ചിത്രങ്ങൾ വൈറലായതിന് പിന്നാലെയാണ് ഇരുവരും പ്രണയത്തിലാണെന്ന വാർത്തകൾ പുറത്തുവന്നത്.
ലോകത്തിലെ ഏറ്റവും ധനികനായ വ്യക്തിയാണ് ഇലോണ് മസ്ക്. 233 ബില്യണ് ഡോളര് ആസ്തിയാണ് നിലവില് അദ്ദേഹത്തിനുള്ളത്. 27കാരിയായ നടാഷ മസ്കിന്റെ ബാങ്ക് ബാലന്സ് കണ്ടല്ല മറിച്ച് അദ്ദേഹത്തിന്റെ ബുദ്ധിയിലാണ് ആകൃഷ്ടയായതെന്ന് ഡെയ്ലി മെയില് റിപ്പോര്ട്ട് ചെയ്തു. ബസെറ്റും മസ്കുമായി ദീര്ഘനാളായി പരിചയമുണ്ടായിരുന്നെന്നും മുന്കാമുകി ഗ്രിംസുമായി വേര്പിരിഞ്ഞതിന് ശേഷമാണ് ഇരുവരും പ്രണയത്തിലായതെന്നും റിപ്പോര്ട്ടുകള് പറയുന്നു. ഇലോണ് വളകെ സ്മാര്ട്ടും ഇന്ററസ്റ്റിങ്ങും ആയതിനാലാണ് ബസെറ്റ് പ്രണയത്തിലായതെന്നാണ് നടിയോട് അടുത്ത വൃത്തങ്ങള് പറയുന്നത്. അവര് പരസ്പരം ഇഷ്ടപ്പെടുന്നു. ഒപ്പം ധാരാളം സമയം ചെലവഴിക്കാറുമുണ്ട്.
മൂന്ന് വർഷത്തെ പ്രണയത്തിനൊടുവിൽ 2021 സെപ്റ്റംബറിലാണ് കനേഡിയൻ ഗായികയും ഗ്രാമി പുരസ്കാര ജേതാവുമായ ഗ്രിംസുമായി മസ്ക് വേര്പിരിഞ്ഞത്. ഇവര്ക്ക് ഒരു വയസ്സുള്ള ഒരു മകനുണ്ട്. ഇതിനുമുൻപ് കനേഡിയൻ എഴുത്തുകാരി ജസ്റ്റിൻ വിൽസണുമായി വിവാഹമോചനം നേടിയിരുന്നു മസ്ക്. വെസ്റ്റ് വേൾഡ് താരം തുലാല റിലെയെ രണ്ടുതവണ വിവാഹം ചെയ്തിട്ടുണ്ട്. ഈ ബന്ധവും പിരിഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ