സ്വര്ണവില എങ്ങോട്ട്?, വീണ്ടും പുതിയ ഉയരത്തില്; 17 ദിവസത്തിനിടെ വര്ധിച്ചത് 4000 രൂപ
കൊച്ചി: റെക്കോര്ഡുകള് ഭേദിച്ച് സ്വര്ണവില കുതിക്കുന്നത് തുടരുന്നു. ഇന്ന് 400 രൂപ വര്ധിച്ച് സ്വര്ണവില പുതിയ ഉയരം കുറിച്ചു. 54,520 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 50 രൂപയാണ് വര്ധിച്ചത്. 6815 രൂപയാണ് ഒരു ഗ്രാം സ്വര്ണത്തിന്റെ വില.
ഒറ്റയടിക്ക് 720 വര്ധിച്ച് 54,360 രൂപയായി ഉയര്ന്ന് ചൊവ്വാഴ്ച രേഖപ്പെടുത്തിയ റെക്കോര്ഡാണ് ഇന്ന് പഴങ്കഥയായത്. ഇന്നലെ സ്വര്ണവില 240 രൂപ കുറഞ്ഞിരുന്നു. തുടര്ന്ന് വീണ്ടും വില തിരിച്ചുകയറുകയായിരുന്നു. അന്താരാഷ്ടവിപണിയിലെ വിലക്കയറ്റമാണ് കേരളത്തിലും പ്രതിഫലിക്കുന്നത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
കഴിഞ്ഞ മാസം 29ന് ആണ് ആദ്യമായി സ്വര്ണവില 50,000 കടന്നത്. അന്ന് ഒറ്റയടിക്ക് 440 രൂപ വര്ധിച്ച് 50,400 രൂപയായാണ് സ്വര്ണവില ഉയര്ന്നത്. പിന്നീടുള്ള ദിവസങ്ങളില് ഏറിയും കുറഞ്ഞും നിന്ന സ്വര്ണവിലയാണ് ഈ മാസം മൂന്നാംതീയതി മുതല് വീണ്ടും ഉയരാന് തുടങ്ങിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ