കാട്ടു മൃഗങ്ങള് തീറ്റ തേടിയും മറ്റും നാട്ടിലിറങ്ങുന്നത് വനാതിര്ത്തി പ്രദേശങ്ങളില് പുതിയ സംഭവമേയല്ല. കുരങ്ങന്മാരുടെ കാര്യമാണെങ്കില് പ്രത്യേകിച്ചും. കാട്ടില് നിന്നിറങ്ങി ചുറ്റുവട്ടത്തുള്ള വീടുകളിലും കടകളിലുമൊക്കെയാവും മിക്കപ്പോഴും കുരങ്ങന്മാരുടെ വാസം. ഇതു പലപ്പോഴും ശല്യമാവാറുണ്ടെങ്കിലും കുരങ്ങന്മാരുടെ കാര്യത്തില് ആരും അതത്ര കാര്യമാക്കാറില്ല.
നെയ്യാര് ഡാമിനു സമീപം കളിപ്പാറയില് പക്ഷേ, ഇങ്ങനെയല്ല കാര്യങ്ങള്. കാടിറങ്ങി വരുന്ന കുരങ്ങന്മാരെ നേരിടാന് ഇവിടെ ഒരു പട തന്നെയുണ്ട്. പട പക്ഷേ മനുഷ്യരുടേതല്ലെന്നു മാത്രം. ഒരു പറ്റം നായ്ക്കളാണ് ഇവിടെ നാടു കാക്കാന് രംഗത്തുള്ളത്.
കുരങ്ങന്മാരെ വനാതിര്ത്തിയിലുള്ള പാറകളില് വച്ചു തന്നെ നേരിടുകയാണ് ഈ നായ്ക്കൂട്ടം. എണ്ണത്തില് കുടുതല് കുരങ്ങന്മാര് ആയതുകൊണ്ടു തന്നെ പോര് അത്ര ചെറുതല്ല. കളിപ്പാറയിലെ കാവല്നായ്ക്കളുടെയും വാനരന്മാരുടെയും പോര് ന്യൂ ഇന്ത്യന് എക്സ്പ്രസ് കാമറാമാന് വിന്സെന്റ് പുളിക്കല് പകര്ത്തിയതാണ് ചുവടെ:
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ