ഫംഗസ് ബാധ മാറ്റാനായി പൂച്ചയ്ക്ക് മഞ്ഞള്‍പ്പൊടി ചികിത്സ നടത്തി. കുറച്ചുകഴിഞ്ഞപ്പോള്‍ വെള്ള പൂച്ച മഞ്ഞ പൂച്ചയായി! തായ്‌ലാന്റിലെ ഒരു യുവതിക്കാണ് അബദ്ധം പറ്റിയത്. എന്നാല്‍ നിറം മാറിയ പൂച്ചയെ സാമൂഹ്യ മാധ്യമങ്ങള്‍ ഏറ്റെടുത്തിരിക്കുകയാണ്.
തമപ സുപമ എന്ന യുവതിയാണ് വെള്ള പൂച്ചയെ മഞ്ഞ പൂച്ചയാക്കിയത്. ഫംഗസ് ബാധ കണ്ട സ്ഥലങ്ങളില്‍ യുവതി മഞ്ഞള്‍ പുരട്ടി. എന്നാല്‍ കുറച്ചുകഴിഞ്ഞപ്പോള്‍ പൂച്ചയുടെ ശരീരം മുഴുവന്‍ മഞ്ഞ നിറമായി.
ഫംഗസ് ബാധയേറ്റ സ്ഥലങ്ങളില്‍ മാത്രം പുരട്ടാതെ, പൂച്ചയുടെ ശരീരത്തില്‍ മുഴുവന്‍ മഞ്ഞള്‍ പുരട്ടിയതാണ് നിറം മാറ്റത്തിന് കാരണം. എന്നാല്‍ വെള്ള പൂച്ചയെക്കാള്‍ ഇപ്പോഴുള്ള മഞ്ഞ പൂച്ചയാണ് കൂടുതല്‍ ഭംഗിയെന്നാണ് സോഷ്യല്‍ മീഡിയ പറയുന്നത്. കുറച്ചുനാള്‍ മഞ്ഞനിറവുമായി നടക്കേണ്ടിവരുമെങ്കിലും പൂച്ചയുടെ ഫംഗസ് ബാധയെല്ലാം ഈ പ്രയോഗത്തിലൂടെ മാറി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
