ലോകത്തിലെ ഏറ്റവും മികച്ച ഭക്ഷണങ്ങളില്‍ ആരാധകരേറെയുണ്ട് നമ്മുടെ സ്വന്തം സദ്യയ്ക്ക്. ഇഷ്ടവിഭവങ്ങളുടെ ഉത്സവം തീര്‍ക്കാന്‍ പറ്റുന്ന ഒന്നാണ് എരിവും പുളിയും മധുരവുമെല്ലാം ചേര്‍ന്ന സൗത്ത് ഇന്ത്യന്‍ താലി. എന്നാല്‍ തായ്‌ലന്‍ഡുകാരനായ ഒരു യൂട്യൂബര്‍ ആദ്യമായി സദ്യ പരീക്ഷിച്ചതിന്റെ വിഡിയോയാണ് സമൂഹമാധ്യമങ്ങളില്‍ ശ്രദ്ധനേടുന്നത്.
മാര്‍ക്ക് എന്നയാളാണ് ഈ വ്യത്യസ്ത പരീക്ഷണം നടത്തിയത്. തന്റെ ഇന്‍സ്റ്റഗ്രാമില്‍ സദ്യ ആസ്വദിക്കുന്നതിന്റെ ഒരു ഷോര്‍ട്ട് വിഡിയോ അദ്ദേഹം പങ്കുവച്ചിട്ടുണ്ട്. ബാങ്കോക്കിലെ സുഖം എന്ന റെസ്‌റ്റോറന്റില്‍ നിന്ന് 18 വ്യത്യസ്ത വിഭവങ്ങള്‍ അടങ്ങിയ സദ്യയാണ് മാര്‍ക്കും സുഹൃത്തുക്കളും പരീക്ഷിച്ചത്. മാങ്ങാ ആച്ചാര്‍, അവിയല്‍, സാമ്പാര്‍, രസം തുടങ്ങി കറികളേറെയുണ്ടായിരുന്നു ഇലയില്‍ വിളമ്പിയ ഈ തനി തമിഴ്‌നാടന്‍ സദ്യയില്‍. ഓരോ വിഭവവും കഴിച്ച ശേഷമുള്ള മാര്‍ക്കിന്റെ മുഖഭാവമാണ് വിഡിയോയില്‍ ഏറ്റവും ആകര്‍ഷകം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
