മരുന്നു വാങ്ങാൻ മെഡിക്കൽ സ്റ്റോറിൽ പോയാൽ ചിലപ്പോൾ മണിക്കൂറുകൾ കാത്തിരിക്കേണ്ടി വരും. ചീട്ടു കാണിച്ച് മരുന്നു വാങ്ങി ബില്ല് അടിച്ചു വരുമ്പോഴേക്കും രോഗിയുടെ ഊപ്പാടിളകും. എന്നാൽ സെക്കന്റുകൾക്കുള്ളിൽ ഇക്കാര്യങ്ങളെല്ലാം ചെയ്യുന്ന ഒരു യുവാവാണ് ഇപ്പോഴത്തെ സോഷ്യൽ മീഡിയ താരം. മരുന്നു കൊടുക്കുന്നതിനൊപ്പം സെക്കന്റുകൾക്കുള്ളിൽ ബില്ലടിച്ചു കയ്യിൽ വച്ചുതരുന്നു.
സിസ്റ്റത്തിലോ കീബോർഡിലോ നോക്കാതെയാണ് ടൈപ്പ് ചെയ്യുന്നത്. യന്ത്രത്തിന് സമാനമായി കൈ ഒരു നിമിഷ നേരത്തേക്ക് പോലും വിശ്രമിക്കാതെയാണ് അയാൾ പണിയെടുക്കുന്നത്. അയാളുടെ 'ബില്ലടി' കണ്ട് സോഷ്യൽ മീഡിയ പോലും മൂക്കത്ത് വിരൽ വെച്ചിരിക്കുകയാണ്. ഇങ്ങനൊക്കെ അടിക്കാവോ... എന്നാണ് സോഷ്യൽ മീഡിയയുടെ ചോദ്യം.
'ഇന്ത്യയിലെ തിരക്ക് പിടിച്ച ഒരു ഫാമർസിയിലെ റിസെപ്‌ഷൻ' എന്ന ക്യാപ്‌ഷനോടെ ട്വിറ്ററിൽ പങ്കുവെച്ച ഈ വീഡിയോ വളരെ പെട്ടന്നാണ് വൈറലായത്. 4.6 മില്യൺ ആളുകളാണ് വീഡിയോ ഇതുവരെ കണ്ടത്. വീഡിയോയിലെ യുവാവിനെ പ്രശംസിച്ച് നിരവധി ആളുകൾ രംഗത്തെത്തി. ഇത്തരക്കാരെ സമൂഹം അംഗീകരിക്കണമെന്നും മറ്റുള്ളവർക്ക് ഇയാൾ മാതൃകയാണെന്ന തരത്തിലാണ് കമന്റുകൾ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
