വളരെ എളുപ്പം തയ്യാറാക്കാവുന്ന വിഭവങ്ങളാണ് വെണ്ടയ്ക്ക കൊണ്ടുള്ളവ. രുചിയുടെ കാര്യത്തിലും പോഷകഗുണങ്ങളിലും വെണ്ടയ്ക്കയുടെ സ്ഥാനം മുന്നില്‍ തന്നെയാണ്. മെഴുക്കുപുരട്ടിയും തോരനും മുതല്‍ ബിണ്ടി മസാല പല വെറൈറ്റികള്‍ പരീക്ഷിക്കാനുമാകും. പക്ഷെ, ബിണ്ടി പറാത്ത എന്ന് കേട്ടിട്ടുണ്ടോ? ആലു പറാത്ത പോലെ വെണ്ടയ്ക്ക കൊണ്ടൊരു പറാത്ത തയ്യാറാക്കുന്ന വിഡിയോയാണ് ഇപ്പോള്‍ വൈറലാകുന്നത്.
ഓരേ അളവിലുള്ള കഷ്ണങ്ങളാക്കി വെണ്ടയ്ക്ക മുറിച്ചതിനുശേഷം ഇതിലേക്ക് മഞ്ഞപ്പൊടി, ഉപ്പ്, മുളകുപൊടി, കുരുമുളകുപൊടി, മല്ലിപ്പൊടി എന്നിവ ചേര്‍ക്കും. ഒരല്‍പം കടലമാവും ഇതില്‍ വിതറുന്നുണ്ട്. അതിനുശേഷം മാവ് കുഴച്ച് പറാത്ത പരത്തിയശേഷം മാവിനകത്ത് വെണ്ടയ്ക്ക ഫില്‍ ചെയ്യും. ഇത് വീണ്ടും പരത്തി ചുട്ടെടുക്കുകയാണ് ചെയ്യുന്നത്.
വിഡിയോ കണ്ട പലരും നിരാശരായെന്നാണ് കമന്റ് ബോക്‌സില്‍ നിന്ന് മനസ്സിലാകുന്നത്. നല്ല കഴിവാണ്, പക്ഷെ പുറത്തെടുക്കേണ്ടെന്നും ഇങ്ങനെ ഭക്ഷണം കഴിക്കുന്നതിനേക്കാള്‍ പട്ടിണി കിടക്കുന്നതാണ് നല്ലതെന്നുമൊക്കെയാണ കമന്റുകള്‍. ഈ വിഡിയോ കണ്ടാല്‍ പിന്നെ എല്ലാവരും വെണ്ടയ്ക്ക കഴിക്കുന്നത് അവസാനിപ്പിക്കുമെന്നും ചിലര്‍ കമന്റ് ചെയ്തിട്ടുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
