ബാഡ്മിന്റൺ ടൂർണമെന്റുകൾ മത്സരിച്ച് ജയിച്ച് കിട്ടിയ പണം കൊണ്ട് തന്നെ പരിപാലിക്കുന്ന ആയയ്ക്ക് മൊബൈൽ ഫോൺ വാങ്ങിക്കൊടുത്ത് സർപ്രൈസ് ആക്കിയ ഒരു കൊച്ചു മിടുക്കനാണ് ഇപ്പോൾ സോഷ്യൽമീഡിയയുടെ മനം കവരുന്നത്. പലപ്പോഴും മുതിർന്നവർക്ക് വഴികാട്ടുന്നത് കുട്ടികളുടെ നിഷ്കളങ്കതയായിരിക്കും. അങ്കിത്തിന് ആറ് മാസമുള്ളപ്പോൾ മുതൽ സരോജയാണ് അവന്റെ എല്ലാ കാര്യങ്ങളും നോക്കുന്നത്. വീട്ടിലെ മറ്റു ജോലികൾ ചെയ്യുന്നതും സരോജ തന്നെയാണ്.
പല ടൂർണമെന്റുകളിൽ നിന്നും സ്വരുക്കൂട്ടി വെച്ച പണത്തിന്റെ ഒരു ഭാഗമെടുത്താണ് അങ്കിത് ആയയ്ക്ക് മൊബൈൽ ഫോൺ വാങ്ങിയത്. അങ്കിത്തിന്റെ അച്ഛനും ക്രിക്കറ്റ് താരം ദിനേഷ് കാർത്തിക്കിന്റെ മാനേജറുമായ വി ബാലാജിയാണ് ഇക്കാര്യം ട്വിറ്ററിലൂടെ പങ്കുവെച്ചത്.
അങ്കിത് ടൂർണമെന്റുകൾ കളിച്ച് ജയിച്ച് ഏഴായിരം രൂപ കൂട്ടിവെച്ചിരുന്നു. ഇതിൽ നിന്നും 2000 രൂപയുടെ ഒരു മൊബൈൽ ഫോൺ അവനെ ആറ് മാസം മുതൽ നോക്കി പരിപാലിക്കുന്ന സരോജത്തിന് വാങ്ങി കൊടുത്തു. ഇതിൽപരം സന്തോഷം ഞങ്ങൾക്ക് വേറെയില്ലെന്നായിരുന്നു അദ്ദേഹത്തിന്റെ കുറിപ്പ്. നിരവധി പേരാണ് ട്വീറ്റിന് താഴെ പ്രതികരണവുമായി രംഗത്തെത്തിയത്. നല്ല മാതൃകയാണ് കുട്ടി സമൂഹത്തിന് നൽകുന്നതെന്നായിരുന്നു ഒരാളുടെ കമന്റ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ