സൂചികുത്താൻ ഇടമില്ലാത്ത തരത്തിലാണ് ഇന്ത്യയിൽ ട്രെയിനുകളിലെ ജനറൽ കംപാർട്മെന്റുകളുടെ അവസ്ഥ. ദൂരയാത്രയ്ക്ക് റിസർവേഷൻ കിട്ടാതെ വരുമ്പോൾ പലരും ജനറൽ കംപാർട്മെന്റ് തിരഞ്ഞെടുക്കുന്നതും തിരക്കു കൂട്ടും. സീറ്റു കിട്ടിയാൽ ഭാഗ്യം എന്ന് മാത്രമേ കരുതാനാകൂ. നിലത്തും ലഗേജ് വെക്കുന്നിടത്തുമായി ആളുകൾ നിറയും.
കയ്യൂക്കുള്ളവർ കാര്യക്കാർ എന്ന ലൈനിലാണ് യാത്രക്കാരുടെ സീറ്റുപിടിത്തം. അത്തരത്തിലൊരു സീറ്റു പിടിത്തത്തിന്റെ കാഴ്ചയാണ് ഇപ്പോൾ സോഷ്യൽ മീഡിയയിൽ ചിരിപടർത്തുന്നത്. ആളുകൾ തിങ്ങി നിറഞ്ഞിരിക്കുന്ന കംപാർട്മെന്റിൽ ഊഞ്ഞാൽ കെട്ടി തനിക്കൊരു സീറ്റ് ഒപ്പിക്കാനുള്ള ഒരു ചെറുപ്പക്കാരന്റെ പരിശ്രമമാണ് വൈറലാകുന്നത്.
ഒരു ദുപ്പട്ട ഉപയോഗിച്ച് കമ്പിക്കിരുവശവും കെട്ടിയ ശേഷം യുവാവ് അതിൽ ഇരിക്കാൻ ശ്രമിക്കുന്നതിനിടെ എല്ലാം കൂടി പൊളിഞ്ഞു താഴെ വീഴുന്നതാണ് വിഡിയോ. ചുറ്റുമുള്ളവർ യുവാവിന്റെ പരിശ്രമത്തെ പരിഹസിക്കുന്നതും കാണാം. എന്നാൽ ചിലരുടെ റെഡിയാകും എന്റെ റെഡി ആയില്ല, അതിൽ എനിക്കൊരു കുഴപ്പവുമില്ലെന്ന മട്ടിൽ യുവാവ് എഴുന്നേല്ക്കുന്നതും വിഡിയോയിൽ കാണാം. എന്നാൽ ജനറൽ കംപാർട്മെന്റിലെ ഇത്തരം ഊഞ്ഞാലുകൾ അപൂർവ സംഭവമല്ല. കഴിഞ്ഞിടെയാണ് ഇത്തരത്തിൽ ട്രെയിനിനുള്ളിൽ ബെഡ്ഷീറ്റ് കെട്ടി ഉറങ്ങുന്ന ഒരു യുവാവിന്റെ ചിത്രങ്ങൾ വൈറലായത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ