പഠിപ്പിക്കാൻ മാത്രമല്ല.., സാരി ഉടുത്ത് കൂളായി 'ജൂമേ ജോ പത്താ'ന് ചുവടുവെച്ച് അധ്യാപകർ

ജൂമേ ജോ പത്താൻ എന്ന ​ഗാനത്തിന് ചുവട് വെച്ച് ഒരു കൂട്ടം അധ്യാപികമാർ.
അധ്യാപകരുടെ നൃത്തം/ ചിത്രം സ്‌ക്രീൻഷോട്ട്
അധ്യാപകരുടെ നൃത്തം/ ചിത്രം സ്‌ക്രീൻഷോട്ട്

വിവാദങ്ങളെയും ആഹ്വാനങ്ങളെയും കാറ്റില്‍ പറത്തി ആഗോളതലത്തില്‍ സൂപ്പര്‍ ഹിറ്റായി മാറിയിരിക്കുകയാണ് ഷാറൂഖ് ഖാന്‍ ചിത്രം പത്താന്‍. റിലീസായി ഒരു മാസത്തിനുള്ളില്‍ ആയിരം കോടി ക്ലബ്ബിലും ചിത്രം ഇടം പിടിച്ചു. ചിത്രത്തിലെ ​ഗാനങ്ങളും പ്രേക്ഷകർക്കിടയിൽ ട്രെന്റിങ്ങാണ്.

ഇപ്പോഴിതാ പത്താനിലെ 'ജൂമേ ജോ പത്താൻ' എന്ന ​ഗാനത്തിന് ചുവടുവെച്ച് സമൂഹമധ്യമങ്ങളിൽ വൈറലായിരിക്കുകയാണ് ഡല്‍ഹി യൂണിവേഴ്‌സിറ്റിയിലെ ജീസസ് ആന്‍ഡ് മേരി കോളജിലെ കൊമേഴ്‌സ് വിഭാഗം അധ്യാപികമാർ. 

വിദ്യാർഥിനികളുടെ ഫ്ലാഷ്‌മോബിലേക്ക് അപ്രതീക്ഷിതമായി കയറിവരുന്ന അധ്യാപകർ ​ഗാനത്തിലെ പ്രശസ്‌ത ഫുഡ് സ്റ്റപ്പ് കളിക്കുന്നതിലൂടെ ഫ്ലാ‌ഷ്‌മോബ് കയ്യിലെടുത്തു. സാരി ഉടുത്ത് കൂളായി വിദ്യാർഥികൾക്കിടയിലേക്ക് വന്ന അധ്യാപികമാരെ വലിയ കയ്യടികളോടെയാണ് വിദ്യാർഥികൾ സ്വീകരിച്ചത്. അധ്യാപകരുടെ ഡാൻസ് വിഡിയോ വൈറലായതോടെ നിരവധി ആളുകളാണ് അധ്യാപകരെ പ്രശംസിച്ച് രം​ഗത്തെത്തിയത്.

ഫെബ്രുവരി 12നാണ് ഇൻസ്റ്റാ​ഗ്രാമിലൂടെ വിഡിയോ പോസ്റ്റ് ചെയ്യുന്നത്. ഇതിനോടകം 1.2 മില്യൺ ആളുകൾ വിഡിയോ കണ്ടു. രസകരമായ നിരവധി കമന്റുകളും വിഡിയോയ്‌ക്ക് താഴെ പ്രത്യക്ഷപ്പെട്ടു. 

ഈ വാര്‍ത്ത കൂടി വായിക്കൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
X
logo
Samakalika Malayalam
www.samakalikamalayalam.com