മാർവൽ സൂപ്പർ ഹീറോയായ സ്‌പൈഡർമാന് ആക്ഷൻ മാത്രമല്ല തബലയും നന്നായി വഴങ്ങും! കഴിഞ്ഞ കുറച്ച് ദിവസമായി സോഷ്യൽമീഡിയയിൽ ലൈക്കുകൾ വാരിക്കൂട്ടുകയാണ് തബല വായിക്കുന്ന സ്പൈഡർമാൻ. ഈ ഓട്ടത്തിനും ചാട്ടത്തിനുമിടയ്‌ക്ക് സ്പൈഡർമാൻ എപ്പോഴാണ് തബല വായിക്കാൻ പഠിച്ചെതെന്നാണ് ഉയർന്നു വരുന്ന കമന്റുകൾ.
'തബല വാതക്' എന്ന ഇൻസ്റ്റഗ്രാം പേജിലൂടെ പോസ്റ്റ് ചെയ്‌ത വിഡിയോ ഇതിനോടകം 1.4 മില്യൺ ആളുകൾ കണ്ടു. 96k ലൈക്കുകളും വിഡിയോയ്‌ക്ക് ലഭിച്ചു. സോഷ്യൽമീഡിയയിൽ കൗതുകമുണർത്തിയ ഈ വിഡിയോ കിരൺ പാൽ എന്ന തബല കലാകാരനാണ് ചെയ്‌തത്.
തബലകൊട്ടുന്ന സ്‌പൈഡർമാന് സോഷ്യൽമീഡിയയിലും ആരാധകർ കൂടുകയാണ്. രസകരമായ നിരവധി കമന്റുകളാണ് വിഡിയോയ്‌ക്ക് താഴെ വരുന്നത്. സ്പൈഡർമാൻ സിനിമകളുടെ പേരുകൾ വെച്ചാണ് പലരും കമന്റ് ചെയ്‌തിരിക്കുന്നത്. 'സ്പൈഡർമാൻ: ഫൗണ്ട് തബല അറ്റ് ഹോം', 'ഉസ്‌താദ് പീറ്റർ ഹുസൈൻ' എന്നാണ് ഒരാൾ വിഡിയോയ്‌ക്ക് കമന്റ് ചെയ്‌തത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
