സാഹസിക സഞ്ചാരികളുടെ പ്രിയപ്പെട്ട ഇടമായ ഓസ്ട്രിയൻ പർവതനിരയിലെ പ്രസിദ്ധമായ 'സ്വർഗത്തിലേക്കുള്ള ഗോവണി' കയറുന്നതിനിടെ സഞ്ചാരി വീണു മരിച്ചു. 42കാരനായ ബ്രിട്ടീഷ് പൗരനാണ് മരിച്ചത്. രണ്ട് പർവതങ്ങളെ തമ്മിൽ ബന്ധിപ്പിക്കുന്ന ഈ ഗോവണിയുടെ ഉയരം 300 അടിയാണ്.
മതിയായ സുരക്ഷാ ക്രമീകരണങ്ങളോടെ മാത്രമാണ് സഞ്ചാരികളെ ഗോവണിയിലൂടെ കയറ്റുക. എന്നാൽ ഇദ്ദേഹം ഒറ്റയ്‌ക്കാണ് ഗോവണി കയറിയത്. അധികൃതർക്ക് സുരക്ഷാ വീഴ്‌ച സംഭവിച്ചെന്ന് ആക്ഷേപമുണ്ട്. 90 മീറ്റർ താഴ്‌ചയിലേക്കാണ് സഞ്ചാരി വീണത്. രക്ഷാപ്രവർത്തനത്തിനായി രണ്ട് ഹെലികോപ്റ്റർ എത്തിയെങ്കിലും സഞ്ചാരിയുടെ ജീവൻ രക്ഷിക്കാനായില്ല.
സമൂഹമാധ്യമങ്ങളിലടക്കം വൈറലായ ഈ ഓസ്ട്രിയൻ പർവതത്തിന്റെ ഒരു ഭാഗത്ത് നിന്നും മറുഭാഗത്തേക്ക് നിർമിച്ചിരിക്കുന്ന ഗോവണിയെ 'സ്വർഗത്തിലേക്കുള്ള ഗോവണി' എന്നാണ് അറിയപ്പെടുന്നത്. മികച്ച പരിചയസമ്പത്തുള്ളവർക്ക് മാത്രമാണ് ഈ ഗോവണി കയറാൻ അനുവാദം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
