സാധാരണയായി ബദ്ധവൈരികളാണ് എന്ന് പറയുമ്പോള്‍ ഉപമയായി സൂചിപ്പിക്കാറ് പാമ്പും കീരിയും തമ്മിലുള്ള ശത്രുതയാണ്. പരസ്പരം കാണുന്ന വേളയില്‍ തന്നെ കടിച്ചുകീറുന്ന പാമ്പിന്റെയും കീരിയുടെയും പ്രകൃതമാണ് ഇതിന് കാരണം. ഇപ്പോള്‍ മാളത്തില്‍ പാമ്പും കീരിയും തമ്മിലുള്ള പൊരിഞ്ഞ പോരാട്ടത്തിന്റെ ദൃശ്യങ്ങളാണ് വൈറലാകുന്നത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
നേച്ചര്‍ ഈസ് ബ്രൂട്ടല്‍ എന്ന എക്‌സ് ഹാന്‍ഡിലിലാണ് വീഡിയോ പങ്കുവെച്ചിരിക്കുന്നത്. മാളത്തില്‍ പരസ്പരം പോരാടാന്‍ തയ്യാറായി മൂര്‍ഖന്‍ പാമ്പും കീരിയും നില്‍ക്കുന്നതാണ് വീഡിയോയുടെ തുടക്കത്തില്‍. കൊത്താന്‍ ആഞ്ഞുനില്‍ക്കുന്ന പാമ്പിനെ കീരി കടിച്ചുകീറി കീഴ്‌പ്പെടുത്തുന്നതാണ് വീഡിയോയുടെ അവസാനം. അതിനിടെ കീരിയ്ക്ക് പാമ്പിന്റെ കൊത്ത് കൊള്ളുന്നുമുണ്ട്.
പാമ്പിനെ ചവിട്ടി പിടിച്ച് കീരി നില്‍ക്കുന്ന ഭാഗത്താണ് വീഡിയോ അവസാനിക്കുന്നത്. പാമ്പിന്റെ കൊത്ത് കൊണ്ട സ്ഥിതിക്ക് കീരിയ്ക്ക് അധികം ആയുസ് ഉണ്ടാകില്ല എന്ന തരത്തില്‍ നിരവധി കമന്റുകള്‍ പ്രത്യക്ഷപ്പെടുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
