ദിവസതോറും പെരുകി വരുന്ന വാഹനാപകടങ്ങൾ കാരണം നന്നായി ഡ്രൈവ് ചെയ്യുന്നവർക്ക് പോലും വാഹനം റോഡിലിറക്കാൻ പേടിയാണ്. അതിനിടെയാണ് ഫെരാരി കാറിൽ മൂന്ന് വയസുകാരന്റെ അമ്പരപ്പിക്കുന്ന ഡ്രൈവിങ് പ്രകടനം സോഷ്യൽമീഡിയയിൽ തരംഗമാകുന്നത്.
വീട്ടിൽ ഗ്യാരേജിൽ കിടക്കുന്ന ഫെരാരി എസ്എഫ് 90 സ്ട്രാഡേലെ ഡ്രൈവ് ചെയ്ത് പാർക്കിങ് ലോട്ടിലേക്ക് നിഷ്പ്രയാസം മാറ്റിയിടുന്ന മൂന്ന് വയസുകാരൻ, ഇൻസ്റ്റഗ്രാമിലൂടെ പങ്കുവെച്ച വിഡിയോ ഇതിനോടകം ദശലക്ഷക്കണക്കിന് ആളുകളെയാണ് അമ്പരപ്പിച്ചത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
വാഹനത്തിന് പുറത്ത് നിന്നു നോക്കിയാൽ കാറിന്റെ ഡ്രൈവിങ് സീറ്റിൽ ഒരാൾ ഇരുക്കുന്നു എന്നു പോലും തോന്നാത്ത അത്ര കുഞ്ഞു ശരീരം വെച്ചാണ് ഈ പണിയെല്ലാം ഈ കുട്ടിക്കുറുമ്പൻ കാണിക്കുന്നത്. സ്വാഭാവികമായും മുൻവശ കാഴ്ചകൾ കാണാൻ കഴിയാത്തതിനാൽ പ്രത്യേകം കാമറ ഘടിപ്പിച്ച് മോണിറ്റർ ചെയ്താണ് ആശാൻ ഡ്രൈവ് ചെയ്യുന്നത്. കാലുകൾ എത്തിച്ച് ഇടയ്ക്ക് ബ്രേക്ക് ചവിട്ടുന്നതും വിഡിയോയിൽ കാണാം.
വിജകരമായി കാർ പാർക്ക് ചെയ്ത ശേഷം കൂളിങ് ഗ്ലാസ് വെച്ച് കാറിന് പുറത്തേക്ക് പുഞ്ചിരിച്ചുകൊണ്ട് ഇറങ്ങിവരുന്ന കുട്ടിയെയും വിഡിയോയിൽ കാണാം. മൂന്നാം വയസിൽ നിങ്ങൾ എന്തു ചെയ്യുകയായിരുന്നു എന്ന കമന്റോടെയാണ് വിഡിയോ പങ്കുവെച്ചിരിക്കുന്നത്. നിരവധി ആളുകളാണ് വിഡിയോയ്ക്ക് താഴെ കമന്റുകളുമായി എത്തിയത്. ഇവൻ ബോസ് ബേബി പാർട്ട് ഫോർ ആണെന്നായിരുന്നു ചിലർ കമന്റു ചെയ്തത്. ഏത് തരത്തിലുള്ള മൂന്ന് വയസുകാരനാണ് ഇത് എന്നായിരുന്നു മറ്റൊരാളുടെ ചോദ്യം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ