വിജയ മുന്നേറ്റത്തിന്റെ പേരില് ആത്മസംതൃപ്തിയടഞ്ഞ് അലംബാവം കാട്ടിയാല് മാഞ്ചസ്റ്റര് സിറ്റി താരങ്ങളെ താന് കൊല്ലുമെന്ന് കോച്ച് പെപ് ഗാര്ഡിയോള. പുതിയ സീസണില് കളിച്ച 12 ലീഗ് മത്സരങ്ങളില് 11 കളികളിലും ഗാര്ഡിയോളയും സംഘവും ജയിച്ചിരുന്നു.
ലെയിസ്റ്റര് സിറ്റിക്കെതിരായ എതിരില്ലാത്ത രണ്ട് ഗോളിന്റെ ജയത്തോടെ പ്രീമിയര് ലീഗിലെ തങ്ങളുടെ ആധിപത്യം ഉറപ്പിക്കുകയും ചെയ്തു മാഞ്ചസ്റ്റര് സിറ്റി. ഇതിന് പിന്നാലെയാണ് ഗാര്ഡിയോളയുടെ പ്രതികരണം. മികച്ച കളി പുറത്തെടുത്തതിന് ശേഷം സ്വയം സംതൃപ്തിയടഞ്ഞ് മറ്റ് കളികളില് അലംഭാവം കാണിക്കാന് അനുവദിക്കില്ലെന്നാണ് ഗാര്ഡിയോള താരങ്ങള്ക്ക് മുന്നറിയിപ്പ് നല്കുന്നത്.
സീസണില് ഇതുവരെ 40 ഗോളുകള് മാഞ്ചസ്റ്റര് സിറ്റി വലയിലാക്കി കഴിഞ്ഞു. എന്നാല് വഴങ്ങിയതാവട്ടെ ഏഴ് ഗോളുകളും. മാഞ്ചസ്റ്റര് യുനൈറ്റഡിനേക്കാള് എട്ട് പോയിന്റ് ലീഡില് പോയിന്റ് പട്ടികയില് മുന്നിലുമാണ് സിറ്റി.
മോശം കളി താരങ്ങള് പുറത്തെടുത്താന് മറ്റ് ടീമുകള്ക്ക് തങ്ങളെ എളുപ്പം തോല്പ്പിക്കാന് സാധിക്കും. എന്നാല് ജയിക്കാനുറച്ച് കളിക്കുകയാണ് സിറ്റിയുടെ താരങ്ങളെന്ന് അവരുടെ കളിയില് നിന്നുതന്നെ വ്യകത്മാകുമെന്ന് ഗാര്ഡിയോള പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ