ഇന്ത്യയും പാക്കിസ്ഥാനും തമ്മിലുള്ള ക്രിക്കറ്റ് മത്സരം ഇരുരാജ്യത്തേയും ഒട്ടുമിക്ക ആരാധകരും അഭിമാന പോരാട്ടമായാണ് കാണുന്നത്. ചാമ്പ്യന്സ് ട്രോഫി ഫൈനലിലെ ഇന്ത്യന് ടീമിന്റെ തോല്വി ഇന്ത്യക്കാരെ നിരാശരാക്കിയപ്പോള്, പാക്കിസ്ഥാനികള് വിജയം മതിമറന്ന് ആഘോഷിക്കുകയായിരുന്നു.
ഇതിനിടയിലാണ് മത്സരത്തിന് ശേഷം ഇന്ത്യന് ടീം അംഗങ്ങള് ഗ്രൗണ്ടില് നിന്നും പവലിയനിലേക്ക് മടങ്ങുമ്പോള് പ്രകോപനപരമായി സംസാരിക്കുന്ന പാക് പൗരന്റെ വീഡിയോ പുറത്തുവന്നിരിക്കുന്നത്.
''ബാപ്പ് കോന് ഹേ'' എന്നായിരുന്നു പവലിയനിലേക്ക് മടങ്ങുന്ന ഇന്ത്യന് താരങ്ങളുടെ നേര്ക്ക് പാക് ആരാധകന്റെ ചോദ്യം. ഉച്ചത്തില് വീണ്ടും വീണ്ടും ഇയാള് ഇങ്ങനെ പറയുന്നത് ഇന്ത്യന് ഫാസ്റ്റ് ബൗളര് മൊഹമ്മദ് ഷമിയെ പ്രകോപിപ്പിച്ചു. ഈ ആരാധകന്റെ അടുത്തേക്ക് തിരിച്ചുവന്ന ഷമി, ഇയാളെ നേരിടാന് തയ്യാറായി നിന്നെങ്കിലും, മുന് നായകന് ധോനി ഷമിയെ തിരിച്ചുകൊണ്ടുപോവുകയായിരുന്നു.
ഇന്ത്യന് നായകന് വിരാട് കോഹ്ലിക്ക് നേരെയും പാക് ആരാധകന് പ്രകോപനപരമായ പരാമര്ശം നടത്തി. നിങ്ങളുടെ എല്ലാ ശൗര്യവും ഇല്ലാതായെന്നായിരുന്നു കോഹ്ലിയുടെ നേര്ക്ക് ഒരു പാക് ആരാധകന് പറഞ്ഞത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ