84 റണ്സ് അടിച്ചെടുത്ത് ജയം പിടിക്കാന് ഇറങ്ങിയ ഇന്ത്യയെ തുടക്കത്തിലെ പ്രഹരിച്ച് ഇംഗ്ലണ്ട്. അഞ്ച് വിക്കറ്റ് കയ്യിലുണ്ടെന്ന ആത്മവിശ്വാസത്തില് ഇറങ്ങിയ ഇന്ത്യയെ സമ്മര്ദ്ദത്തിലാക്കി ദിനേശ് കാര്ത്തിക്കിനെ ആന്ഡേഴ്സന് മടക്കി.
കോഹ് ലിക്കൊപ്പം കൂട്ടുകെട്ടിന് അനുവദിക്കാതെയാണ് നാലാം ദിനത്തിന്റെ തുടക്കത്തില് തന്നെ കാര്ത്തിക്കിനെ ആന്ഡേഴ്സന് മടക്കിയത്. 110 റണ്സിന് മൂന്നാം ദിനം കളി അവസാനിപ്പിച്ച ഇന്ത്യ നാലാം ദിനം ബാറ്റിങ് ആരംഭിച്ച് രണ്ട് റണ്സ് മാത്രം കൂട്ടിച്ചേര്ക്കുന്നതിന്റെ ഇടയിലാണ് കാര്ത്തിക്കിന്റെ വിക്കറ്റ് നഷ്ടമായത്. ആന്ഡേഴ്സന്റെ കൃത്യതയാര്ന്ന ലൈനിലും ലെങ്തിലും വന്ന ബോള് ഔട്ട്സൈഡ് എഡ്ജില് കൊണ്ട് സ്ലിപ്പില് നില്ക്കുകയായിരുന്ന മലന്റെ കൈകളിലേക്ക് എത്തുകയായിരുന്നു.
കോഹ് ലിയുടെ ഇന്നിങ്സിന് ആശ്രയിച്ചാണ് ഇന്ത്യയുടെ ജയം. കോഹ് ലി-കാര്ത്തിക് കൂട്ടുകെട്ടില് 32 റണ്സ് കൂട്ടിച്ചേര്ത്തിരുന്നു. ഹര്ദിക്കിനൊപ്പം നിലയുറപ്പിച്ച് നിന്ന് സ്കോര് ബോര്ഡ് ചലിപ്പിക്കാനാവും നാലാം ദിനം കോഹ് ലിയുടെ ശ്രമം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ