ഏഷ്യന്‍ ഗെയിംസിലെ അമ്പെയ്ത്തില്‍ ഇന്ത്യയ്ക്ക് വെള്ളി. വനിതകളുടെ അമ്പെയ്ത് കോമ്പൗണ്ട് വിഭാഗത്തിലാണ് ഇന്ത്യയുടെ നേട്ടം. സ്വര്‍ണത്തിലേക്കുള്ള ഇന്ത്യയുടെ കുതിപ്പിന് ദക്ഷിണ കൊറിയ തടയിടുകയായിരുന്നു. സ്‌കോര്‍ 231-228.
അവസാന സെറ്റിലായിരുന്നു ഇന്ത്യയില്‍ നിന്നും ദക്ഷിണ കൊറിയ മത്സരം പിടിച്ചത്. പുരുഷന്മാരുടെ അമ്പെയ്ത് കോമ്പൗണ്ട് മത്സരത്തിലാണ് ഇനി ഇന്ത്യയുടെ സ്വര്‍ണ പ്രതീക്ഷ. നിലവിലെ ചാമ്പ്യന്മാരാണ് ഇന്ത്യ ഇവിടെ.
ദക്ഷിണ കൊറിയയാണ് ഇവിടേയും ഇന്ത്യയുടെ എതിരാളികള്‍.
ആദ്യ രണ്ട് സെറ്റുകളില്‍ 115-115 എന്നിങ്ങനെ ഇന്ത്യ ചൈനയെ സമനിലയില്‍ പിടിച്ചിരുന്നു. എന്നാല്‍ അവസാന റൗണ്ടിലെ സമ്മര്‍ദ്ദം അതിജീവിക്കാന്‍ ഇന്ത്യന്‍ വനിതകള്‍ക്കായില്ല. ഇഞ്ചിയോണില്‍ ഇതേ ഇനത്തില്‍ ഇന്ത്യന്‍ വനിതകള്‍ വെങ്കലം നേടിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
