88ാം മിനിറ്റില്‍ ഡീഗോ കാര്‍ലോസിലൂടെ വല കുലുക്കി ഡെല്‍ഹിക്കെതിരെ സമനില പിടിച്ച് പുനെ സിറ്റി. 44ാം മിനിറ്റിലെ ഡല്‍ഹിയുടെ പുതുമുഖ താരം റാണ ഗരാമിയുടെ ലോങ് റേഞ്ചാണ് ഡല്‍ഹിക്ക് വിജയ പ്രതീക്ഷ നല്‍കിയത്. എന്നാല്‍ 68ാം മിനിറ്റില്‍ ഇറങ്ങിയ കാര്‍ലോസ് ഡല്‍ഹിക്ക് സമനില പൂട്ടിട്ടു.
ആക്രമണങ്ങള്‍ക്ക് മുതിരാതെയായിരുന്നു രണ്ട് ടീമുകളുടേയും തുടക്കം. ഡല്‍ഹിക്ക് വേണ്ടി ചങ്‌തെ, റെനെ മികാലിച്ചും അവസരങ്ങള്‍ സൃഷ്ടിച്ചു. ചാങ്‌തെയ്ക്ക് വേണ്ടിയായിരുന്നു ഡല്‍ഹിയില്‍ കാണികള്‍ ആദ്യം ആര്‍പ്പു വിളികള്‍ ഉയര്‍ത്തിയത് എങ്കില്‍, ആദ്യ പകുതി അവസാനിക്കാറായപ്പോഴേക്കും ഗോള്‍ വല കുലുക്കിയ പ്രതിരോധ നിരക്കാരന്‍ റാണയായി അവരുടെ പ്രിയപ്പെട്ടവന്‍.
രണ്ടാം പകുതിയില്‍ പുനെ ആക്രമണങ്ങള്‍ക്ക് മുതിര്‍ന്നപ്പോള്‍ കൗണ്ടര്‍ അറ്റാക്കുകളിലൂടെ ഡല്‍ഹി തിരിച്ചടിച്ചു. 87ാം മിനിറ്റില്‍ ചങ്‌തെയ്ക്ക് ലഭിച്ച മികച്ച അവസരം പാഴായി പോയത് മുതലെടുത്ത് കൗണ്ടര്‍ അറ്റാക്ക് നടത്തിയായിരുന്നു പുനെ സമനില ഗോള്‍ പിടിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
