ശ്രീലങ്കയ്ക്കെതിരായ ട്വിന്റി20 പരമ്പര സ്വന്തമാക്കി ഇന്ത്യന് വനിതകള്. നാലാം ഏകദിനത്തില് ലങ്കയെ ഏഴ് വിക്കറ്റിന് തോല്പ്പിച്ചാണ് ഇന്ത്യ സമ്പൂര്ണ പരമ്പര ജയത്തിലേക്ക് നീങ്ങുന്നത്.
അഞ്ച് ട്വിന്റി20 മത്സരങ്ങളുടെ പരമ്പരയില് 3-0ന് മുന്നിലാണ് ഇന്ത്യ ഇപ്പോള്. മൂന്നാം ട്വിന്റി20യില് ഇന്ത്യയെ ജയത്തിലേക്ക് എത്തിച്ച ജെമീമയാണ് ഇവിടേയും ഇന്ത്യയ്ക്ക് താങ്ങായത്. 54 റണ്സ് എടുത്ത അനുജയ്ക്ക് ഒപ്പം നിന്ന് 96 റണ്സിന്റെ കൂട്ടുകെട്ടാണ് ജെമീമ തീര്ത്തത്.
70 ബോളില് നിന്നായിരുന്നു ഇവരുടെ 96 റണ്സിന്റെ പാര്ട്ണര്ഷിപ്പ്. സിക്സ് അടിച്ച് ഇന്ത്യയ്ക്കായി ജെമീമ വിജയ റണ്ണും നേടി. മൂന്നാം ട്വിന്റി20യില് സിക്സ് പറത്തിയായിരുന്നു ജെമീമ അര്ധ ശതകം തികച്ചത്. നാലാം ട്വിന്റി20യിലേക്കെത്തിയപ്പോള് അര്ധശതകവും വിജയ റണ്ണും സിക്സ് പറത്തി തന്നെ നേടിയാണ് ജെമീമ ഇന്ത്യന് വനിതാ സംഘത്തിലെ മികച്ച ഫിനിഷര് പദവിയാണ് തന്റെ പേരിലേക്ക് ചേര്ക്കുന്നത്.
മഴ കാരണം മത്സരം പതിനേഴ് ഓവറായി ചുരുക്കിയിരുന്നു. 134 വിജയ ലക്ഷ്യം പിന്തുടര്ന്ന ഇന്ത്യ 15.4 ഓവറില് ലക്ഷ്യം കാണുകയായിരുന്നു. 36 ബോളില് നാല് ഫോര് അടക്കമാണ് അനുജ അര്ധ ശതകം തികച്ചത്. ജെമീമ 37 ബോളില് 52 റണ്സ് എടുത്ത് പുറത്താവാതെ നിന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ