അര്ജന്റീനിയന് താരം മെസി തന്നേക്കാള് മികച്ച കളിക്കാരനല്ല എന്ന നിലപാട് ആവര്ത്തിച്ച് ഫുട്ബോള് ഇതിഹാസം പെലെ. നന്നായി ഹെഡ് ചെയ്യുന്ന, വലം കാല് കൊണ്ടും ഇടംകാല് കൊണ്ടും ഷൂട്ട് ചെയ്യുന്ന ഒരു താരത്തെ, ഒരു കാല് കൊണ്ട് മാത്രം ഷൂട്ട് ചെയ്യുന്ന, ഒരു സ്കില് മാത്രമുള്ള താരവുമായി താരതമ്യം ചെയ്യുന്നത് എന്തിനെന്നായിരുന്നു താരതമ്യം ചെയ്യലുകളെ തള്ളിയും മെസിയെ കുത്തിയും പെലെ പറഞ്ഞത്.
നിങ്ങള്ക്ക് എങ്ങിനെയാണ് താരതമ്യം ചെയ്യാന് സാധിക്കുന്നത്? പെലെയുമായി താരതമ്യപ്പെടുത്തുമ്പോള്, പെലെ ഇടം വലം കാല് കൊണ്ട് ഭംഗിയായി ഷൂട്ട് ചെയ്യുകയും, ഹെഡറുകളിലൂടെ ഗോള് കണ്ടെത്തുകയും ചെയ്യുന്ന താരമാണ്. മറഡോണയുമായി മെസിയെ താരതമ്യം ചെയ്യുന്നതിനേയും പെലെ തള്ളുന്നു. എന്നോട് ചോദിച്ചാല് മെസിയേക്കാള് എല്ലാ അര്ഥത്തിലും മികച്ചത് മറഡോണയാണ് എന്ന് താന് പറയുമെന്നും പെലെ പറയുന്നു.
തന്നേക്കാള് മികച്ച താരമാണ് മെസി എന്ന് പെലെ ഒരിക്കലും പറയാന് തയ്യാറായിട്ടില്ല. കഴിഞ്ഞ പത്ത വര്ഷം ഫുട്ബോള് ലോകം കണ്ടതില് മികച്ച താരമാണ് മെസി എന്ന് 2015ല് മറഡോണ പറഞ്ഞിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ