ഐഎസ്എല്ലിന്റെ ആദ്യ സീസണില്‍ ബ്ലാസ്‌റ്റേഴ്‌സ് വെറുതെ കളിച്ചു പോകാന്‍ ഇറങ്ങിയിരിക്കുകയല്ല എന്ന ആരാധകര്‍ക്ക് ആദ്യ കളി മുതല്‍ തന്നെ വ്യക്തമാക്കി കൊടുത്തത് മൈതാനത്ത് നിറഞ്ഞു കളിച്ച ആ മൊട്ടത്തലയനായിരുന്നു. തങ്ങള്‍ക്ക് ആരവം മുഴക്കി പിന്തുണയ്ക്കാന്‍ സ്വന്തമായൊരു ഫുട്‌ബോള്‍ ക്ലബ് എന്ന സ്വപ്‌നം യാഥാര്‍ഥ്യമായപ്പോള്‍ ഹ്യൂമേട്ടന്‍ എന്ന് മഞ്ഞപ്പട കൂട്ടം ആ മൊട്ടത്തലയനെ വിളിച്ചു.
ഇപ്പോഴിതാ മലയാളികളുടെ പ്രിയപ്പെട്ട ലാലേട്ടനും ആരാധകക്കൂട്ടത്തെ പോലെ തന്നെ പറയുന്നു ഹ്യൂമേട്ടന്‍ എന്ന്. ഒടിയന്‍ മാണിക്യനെ കാണാന്‍ ഇയാന്‍ ഹ്യൂം കോഴിക്കേട്ടേക്കെത്തുകയായിരുന്നു. പാലക്കാട്ടെ സെറ്റിലെത്തിയായിരുന്നു കൂടിക്കാഴ്ച.
ഏറെ നാളത്തെ കാത്തിരിപ്പിന് ശേഷം ലാലേട്ടനെ കാണാന്‍ സാധിച്ചുവെന്ന് പറഞ്ഞാണ് മോഹന്‍ലാലിന് ഒപ്പമുള്ള ഫോട്ടോ ഹ്യൂം ഫേസബുക്കിലൂടെ ഷെയര്‍ ചെയ്തത്. ഹ്യൂമേട്ടനൊപ്പം എന്നായിരുന്നു മോഹന്‍ലാല്‍ ഫോട്ടോയ്ക്ക് അടിക്കുറിപ്പായി എഴുതിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
