ന്യൂയോര്‍ക്ക്: ജപ്പാന്റെ യുവതാരം നവോമി ഒസാക്ക യുഎസ് ഓപണ്‍ സെമിയില്‍ കടന്നു. ഉക്രൈന്‍ താരം ലസിയ സുരങ്കോയെ നേരിട്ടുള്ള സെറ്റുകള്‍ക്ക് പരാജയപ്പെടുത്തിയാണ് ഒസാക്ക സെമിയിലെത്തിയത്. സ്‌കോര്‍ 6-1,6-1.
ഗ്രാന്‍സ്ലാം സെമിയില്‍ ഒസാക്ക എത്തുന്നത് ഇതാദ്യമായാണ്. 1996 ന് ശേഷം ഗ്രാന്‍സ്ലാം സെമിയില്‍ കടക്കുന്ന ആദ്യ ജപ്പാന് വനിതാ താരമെന്ന ബഹുമതിയും ഒസാക്കയ്ക്ക് ആണ്. കിമികോ ഡേറ്റ് ആയിരുന്നു 22 വര്‍ഷം മുമ്പ് ജപ്പാന് വേണ്ടി ഗ്രാന്‍സ്ലാം സെമി കളിച്ച വനിതാ താരം. സ്റ്റെഫി ഗ്രാഫിനോട് പരാജയപ്പെട്ടാണ് കിമികോ വിംബിള്‍ഡണില്‍ നിന്നും മടങ്ങിയത്.
യുഎസ് ഓപണില്‍ മത്സരിച്ചുകൊണ്ടിരിക്കുന്നവരില്‍ ഏറ്റവും പ്രായം കുറഞ്ഞ താരം കൂടിയാണ് 20 കാരിയായ ഒസാക്ക. 'ഓരോ നിമിഷവും കൡക്കളത്തില്‍ പൊരുതുക തന്നെയായിരുന്നു. ഈ നിമിഷം ഏറെ വിലപ്പെട്ടതാണ് എന്നും പിന്തുണച്ചവര്‍ക്ക് നന്ദിയെന്നും ഒസാക്ക പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
