ചെന്നൈ: ഏകദിനത്തില് കൂറ്റന് ജയം നേടിയെങ്കിലും ടീമിനെ മറ്റൊരു പ്രഹരം കാത്തിരിക്കുന്നുണ്ടായി. കുറഞ്ഞ ഓവര് നിരക്കിന് മാച്ച് ഫീയുടെ 80 ശതമാനം പിഴയാണ് വിന്ഡിസ് താരങ്ങള്ക്ക് വിധിച്ചിരിക്കുന്നത്.
നിശ്ചിത സമയം പിന്നിട്ടപ്പോള് നാല് ഓവര് കുറവാണ് വിന്ഡിസ് ബൗളര്മാര് എറിഞ്ഞത്. നിശ്ചിത സമയത്ത് ഒരു ഓവറാണ് കുറവുള്ളത് എങ്കില് മാച്ച് ഫീയുടെ 20 ശതമാനമാണ് കളിക്കാരില് നിന്ന് ഈടാക്കുക. വിന്ഡിസ് നാല് ഓവര് പിന്നിലായിരുന്നതിനാലാണ് മാച്ച് ഫീയുടെ 80 ശതമാനം പിഴ വിധിച്ചത്.
വെസ്റ്റ് ഇന്ഡീസ് നായകന് പൊള്ളാര്ഡ് കുറ്റം സമ്മതിച്ച സാഹചര്യത്തില് കൂടുതല് വാദം കേള്ക്കലുകള് ഉണ്ടാവില്ല. എട്ട് വിക്കറ്റിനാണ് വിന്ഡിസ് ചെന്നൈയില് ഇന്ത്യയ്ക്കെതിരെ ജയം പിടിച്ചത്. ടോസ് നേടിയ വിന്ഡിസ് ബൗളിങ് തെരഞ്ഞെടുക്കുകയായിരുന്നു. 287 റണ്സില് ഇന്ത്യയെ തളച്ച വിന്ഡിസ് ഹെറ്റ്മയറിന്റേയും ഹോപ്പിന്റേയും സെഞ്ചുറിയുടെ ബലത്തില് അനായാസം ജയത്തിലേക്ക് എത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ