സൂററ്റ്: രഞ്ജി ട്രോഫിയില് ഗുജറാത്തിനെ കേരളം എറിഞ്ഞിടുന്നു. ന്യൂസിലാന്ഡ് എ യ്ക്കെതിരായ ഇന്ത്യ എ ടീമില് ഉള്പ്പെടുത്താതെ സെലക്ടര്മാര് തഴഞ്ഞതിന് ജലജ് സക്സേന മറുപടി നല്കിയപ്പോള് ഗുജറാത്തിന്റെ മധ്യനിര തകര്ന്നു. ആദ്യ ദിനം ഉച്ചഭക്ഷണത്തിന് പിരിയുമ്പോള് ആറ് വിക്കറ്റ് നഷ്ടത്തില് 94 റണ്സ് എന്ന നിലയിലാണ് ഗുജറാത്ത്.
ഉച്ചഭക്ഷണത്തിന് പിരിയുമ്പോഴേക്കും ഏഴ് ഓവറാണ് ഗുജറാത്തിനെതിരെ സക്സേന എറിഞ്ഞത്. മൂന്ന് ഓവര് മെയ്ഡന്.വഴങ്ങിയത് എട്ട് റണ്സ് മാത്രം. വീഴ്ത്തിയത് മൂന്ന് വിക്കറ്റും, ഇക്കണോമി 1.14. പാര്ഥീവ് പട്ടേല്, ജുനെജ, ധ്രുവ് റാവല് എന്നിവരാണ് സക്സേനയ്ക്ക് മുന്പില് വീണത്.
കേരളത്തിന്റെ ആസിഫ് കെ എം രണ്ട് വിക്കറ്റ് വീഴ്ത്തി. ആസിഫും സക്സേനയും ചേര്ന്നാണ് റണ്സ് വിട്ടുകൊടുക്കാതേയും വിക്കറ്റ് വീഴ്ത്തിയും ഗുജറാത്തിനെ കുഴയ്ക്കുന്നത്. രഞ്ജിയില് ഇത് കേരളത്തിന്റെ മൂന്നാം മത്സരമാണ്. ആദ്യ മത്സരത്തില് ഡല്ഹിയെ വിറപ്പിച്ചെങ്കിലും കേരളത്തിന് സമനില വഴങ്ങേണ്ടി വന്നു. രണ്ടാമത്തെ മത്സരത്തില് ബംഗാളിനെതിരെ കേരളത്തിന് പിടിച്ചു നില്ക്കാനായില്ല. കഴിഞ്ഞ വര്ഷത്തെ സെമി ഫൈനലിസ്റ്റുകള്ക്ക് രഞ്ജി ട്രോഫിയില് പ്രതീക്ഷ നല്കുന്നതാണ് ഗുജറാത്തിനെതിരായ തുടക്കം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ