ഡിസംബര്‍ രണ്ടിന് ബാലന്‍ ദി ഓര്‍ ആരുടെ കൈകളിലേക്കെത്തുമെന്ന് അറിയാം. എന്നാല്‍, ബാലന്‍ ദി ഓര്‍ റാങ്ക് ലിസ്റ്റ് എന്ന നിലയില്‍ ഒന്നാണ് സമൂഹമാധ്യമങ്ങളില്‍ ഇപ്പോള്‍ പ്രചരിക്കുന്നത്. അതില്‍ വിജയിയായി കാണിച്ചിരിക്കുന്നത് മെസിയേയും.
ഈ വര്‍ഷം ബാലന്‍ ദി ഓര്‍ മെസിയുടെ കൈകളിലേക്കെത്തുമെന്നാണ് വിലയിരുത്തപ്പെടുന്നത്. എന്നാല്‍ മെസിയെ വിജയിയായി പ്രഖ്യാപിക്കുന്ന ലിസ്റ്റ് വ്യാജമാണോ അല്ലയോ എന്ന് ഇതുവരെ വ്യക്തമായിട്ടില്ല. 2015ന് ശേഷം ബാലന്‍ ദി ഓര്‍ മെസിയുടെ കൈകളിലേക്ക് എത്തിയിട്ടില്ല.
10 കളിക്കാരുടെ പേരും അവര്‍ക്ക്‌ ലഭിച്ചിരിക്കുന്ന പോയിന്റ്‌സും ഉള്‍ക്കൊള്ളുന്ന ലിസ്റ്റിന്റെ സ്‌ക്രീന്‍ഷോട്ടാണ് പ്രചരിക്കുന്നത്. 446 പോയിന്റ് നേടിയാണ് മെസി ഒന്നാമത് നില്‍ക്കുന്നത്. 382 പോയിന്റുമായി ലിവര്‍പൂളിന്റെ വാന്‍ഡൈക്കാണ് രണ്ടാമത്. മൂന്നാമത് 179 പോയിന്റുമായി സലയും. നാലാം സ്ഥാനത്താണ് ക്രിസ്റ്റിയാനോ.
മെസിക്ക് ഈ വര്‍ഷം ബാലന്‍ ദി ഓര്‍ നല്‍കരുത് എന്ന നിലപാടുമായി ലിവര്‍പൂള്‍ മുന്‍ താരം ജെറാഡ് ഉള്‍പ്പെടെയുള്ളവര്‍ എത്തിയിരുന്നു. ഒരു വര്‍ഷം മുഴുവന്‍ സ്ഥിരത പുലര്‍ത്തിയ താരത്തെ അവഗണിച്ച് മെസിക്ക് ബാലന്‍ ദി ഓര്‍ നല്‍കാനാവില്ലെന്നാണ് വാന്‍ഡൈക്കിനെ പിന്തുണച്ച് ജെറാഡ് പറഞ്ഞത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
