ചെന്നൈ: സ്വകാര്യ ദ്വീപ് വാങ്ങി സ്വന്തം രാജ്യം സ്ഥാപിക്കുന്നതായി പ്രഖ്യാപിച്ച ആള്ദൈവത്തെ പരിഹസിച്ച് ഇന്ത്യന് സ്പിന്നര് ആര് അശ്വിന്. നിത്യാനന്ദയുടെ രാജ്യത്തേക്ക് വിസ ലഭിക്കാനുള്ള നടപടി ക്രമങ്ങള് എന്തെല്ലാമാണെന്നാണ് അശ്വിന്റെ ചോദ്യം.
വിസ ലഭിക്കാനുള്ള നടപടി ക്രമങ്ങള് എന്തൊക്കെയാണ്? അതോ, അവിടേക്ക് എത്തുമ്പോള് വിസ ലഭിക്കുമോ എന്നും ചോദിച്ചാണ് കൈലാസ എന്ന ഹാഷ് ടാഗോടെ അശ്വിന് ട്വിറ്ററിലെത്തിയത്. നിത്യാനന്ദയുടെ രാജ്യത്തിന്റെ പൗരത്വമെടുക്കാന് ആലോചിക്കുന്നുണ്ടോ എന്ന ആരാധകന്റെ ചോദ്യത്തിനും അശ്വിന് മറുപടി നല്കുന്നു.
ഇരട്ട പൗരത്വം ഇന്ത്യയില് അനുവദനീയമല്ലെന്നായിരുന്നു അശ്വിന്റെ മറുപടി. ഇക്വഡോറിയാണ് ആള്ദൈവം നിത്യാനന്ദ സ്വകാര്യ ദ്വീപ് വാങ്ങിയത്. കരീബിയന് ദ്വീപ് സമൂഹത്തിലെ ട്രിനിഡാഡ് ആന്റ് ടുബാഗോയ്ക്ക് സമീപമാണ് ആ ദ്വീപ്.കൈലാസ എന്ന പേരില് രാജ്യം പ്രഖ്യാപിച്ചതിന് പിന്നാലെ ഈ രാജ്യത്തിന്റെ പതാകയും, പാസ്പോര്ട്ടും നിത്യാനന്ദ പുറത്തിറക്കുകയുണ്ടായി.
പെണ്കുട്ടികളെ തട്ടിക്കൊണ്ടുപോയി അന്യായമായി തടങ്കലില് വെച്ച കേസിലെ പ്രതിയാണ് ആള്ദൈവം നിത്യാനന്ദ. കടുംകാവി നിറത്തില് നിത്യാനന്ദയും ശിവനും ഉള്പ്പെടുന്ന ചിത്രവും നന്ദി വിഗ്രഹവും ഉള്പ്പെടുന്നതാണ് ഇവിടുത്തെ പതാക. രണ്ട് തരം പാസ്പോട്ടും പുറത്തിറക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ