കൊല്‍ക്കത്ത: ഇന്ത്യന്‍ വനിതാ ഫുട്‌ബോളിന്റെ അഭിമാനമായി ഭൃഷ്ടി ഭഗ്ചി. സ്പാനിഷ് വനിതാ ഫുട്‌ബോള്‍ ലീഗില്‍ കളിക്കുന്ന ആദ്യ ഇന്ത്യന്‍ വനിതാ താരമായി ഭൃഷ്ടി മാറി. തന്റെ സ്വപ്‌നം യാഥാര്‍ഥ്യമായതിന്റെ ആഹ്ലാദത്തിലാണ് താരം.
സ്‌പെയിനിലെ വനിതാ ഫുട്‌ബോള്‍ ലീഗിലെ ഒന്നാം ഡിവിഷന്‍ ലീഗായ ഇബര്‍ഡോളയിലാണ് താരം കളിക്കുന്നത്. ബംഗളൂരു സ്വദേശിനിയാണ് ഭൃഷ്ടി ഭഗ്ചി. താരത്തെ ടീമിലെടുത്തതായി മാഡ്രിഡ് ക്ലബ് ഡി ഫുട്‌ബോള്‍ ഫെമെനിനൊയാണ് ഭൃഷ്ടിയെ ടീമിലെടുത്തത്. ഇക്കാര്യം അവര്‍ ഔദ്യോഗിക ട്വിറ്റര്‍ അക്കൗണ്ടിലൂടെ പങ്കിട്ടിട്ടുണ്ട്.
ഭൃഷ്ടി ഒരു മാസത്തിലധികമായി മാഡ്രിഡ് ക്ലബിനൊപ്പം ട്രെയിന്‍ ചെയ്യുന്നുണ്ട്. ക്രൗഡ് ഫണ്ടിങ്ങിലൂടെ മാഡ്രിഡില്‍ ട്രയല്‍സിന് പോയ ഭൃഷ്ടി അവിടെ നടത്തിയ പ്രകടനങ്ങളുടെ മികവിലാണ് ടീമില്‍ സ്ഥാനം ഉറപ്പിച്ചത്. താരത്തിന്റെ കേളീ മികവ് പിടിച്ച ക്ലബ് കരാര്‍ വാഗ്ദാനം ചെയ്യുകയായിരുന്നു. ബാഴ്‌സലോണ, അത്‌ലറ്റിക്കോ മാഡ്രിഡ് ക്ലബുകളൊക്കെ കളിക്കുന്ന ലീഗിലാണ് ഇനി ഭൃഷ്ടി കളിക്കുക.
നേരത്തെ കര്‍ണാടകയ്ക്ക് വേണ്ടി സീനിയര്‍ ഫുട്‌ബോള്‍ ചാമ്പ്യന്‍ഷിപ്പില്‍ പങ്കെടുത്തിട്ടുള്ള താരമാണ് ഭൃഷ്ടി. അവസാന കുറച്ച് കാലമായി അമേരിക്കന്‍ യൂണിവേഴ്‌സിറ്റി ആയ ഒക്‌ലഹോമ യൂണിവേഴ്‌സിറ്റിക്കായും നോര്‍ത്ത് ടെക്‌സസ് യൂണിവേഴ്‌സിറ്റിക്കായും കളിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
