മുംബൈ: ഇനി ആശങ്ക വേണ്ട. താന് സുഖമായിരിക്കുന്നു എന്ന് ആരാധകരെ അറിയിച്ച് ക്രിക്കറ്റ് ഇതിഹാസം ബ്രയാന് ലാറ. ഉടന് ആശുപത്രി വിടുമെന്നും അദ്ദേഹം പറഞ്ഞു.
ബുധനാഴ്ച ഞാന് എന്റെ ഹോട്ടല് മുറിയിലേക്കെത്തും, എല്ലാവരും ആകുലരാണ് എന്ന് എനിക്കറിയാം. ജിമ്മില് കുറച്ചു കൂടുതല് സമയം ചിലവഴിക്കുന്നതിന് ഇടയില് നെഞ്ചില് വേദന അനുഭവപ്പെട്ടു. ഡോക്ടറെ കാണുന്നതാണ് നല്ലതെന്ന് തോന്നിയത് കൊണ്ട് ആശുപത്രിയിലേക്ക് വന്നു. ലാറ പറയുന്നു. ആശുപത്രിയിലേക്കെത്തിയപ്പോഴും നെഞ്ചുവേദന മാറിയില്ല. അതോടെ കൂടുതല് ടെസ്റ്റുകള് നടത്തേണ്ടി വന്നുവെന്നാണ് വെസ്റ്റ് ഇന്ഡീസ് ക്രിക്കറ്റ് പുറത്തുവിട്ട ലാറയുടെ ശബ്ദ സന്ദേശത്തില് പറയുന്നത്.
ലോകകപ്പ് ബ്രോഡ്കാസ്റ്റേഴ്സിന് വേണ്ടി ക്രിക്കറ്റ് വിദഗ്ധനായി കളി വിലയിരുത്തുന്നതിനാണ് ലാറ മുംബൈയിലെത്തിയത്. ആശുപത്രിയിലായിട്ടും രസകരമായാണ് ലാറ സംസാരിച്ചത്. ആശുപത്രി കിടക്കയുടെ ഊഷ്മളതയില് കിടന്ന് ഇംഗ്ലണ്ട്-ഓസീസ് മത്സരം കാണുകയാണ്. ഇംഗ്ലണ്ടിന്റെ വലിയ ആരാധകനല്ല ഞാന്, ഇംഗ്ലണ്ടിനെ ഓസീസ് പിടിച്ചുകെട്ടും എന്നാണ് പ്രതീക്ഷിക്കുന്നത്. ഞാന് സുഖം പ്രാപക്കും.
എന്റെ ഫോണിലേക്ക് നിലയ്ക്കാത്ത വിളികളെത്തുന്നു. അതുകൊണ്ട് ഞാന് ഫോണ് സ്വിച്ച് ഓഫ് ചെയ്യുകയാണ്. ഗുരുതരമായ പ്രശ്നങ്ങള് ഇല്ലെന്നതിനാല് ഡോക്ടര്മാരും സന്തുഷ്ടരാണെന്ന് ലാറ പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ