സുല്ത്താന് അസ്ലാന് ഷാ കപ്പില് തകര്പ്പന് കളി തുടര്ന്ന് ഇന്ത്യന് ഹോക്കി ടീം. എതിരില്ലാത്ത പത്ത് ഗോളുകള്ക്ക് പോളണ്ടിനെ പഞ്ഞിക്കിട്ടാണ് ടൂര്ണമെന്റിലെ ലീഗ് ഘട്ടം തോല്വി അറിയാതെ ഇന്ത്യ അവസാനിപ്പിക്കുന്നത്.
അസ്ലാന്ഷാ കപ്പിലെ ഏറ്റവും ഉയര്ന്ന മാര്ജിനിലെ ജയമാണ് പോളണ്ടിനെതിരെ ഇന്ത്യ നേടിയിരിക്കുന്നത്. പോയിന്റ് ടേബിളില് മുന്നിലുള്ള ഇന്ത്യ നേരത്തെ തന്നെ ഫൈനല് ഉറപ്പിച്ചിരുന്നു. സൗത്ത് കൊറിയയാണ് ഫൈനലില് ഇന്ത്യയുടെ എതിരാളികള്.
നാല് ജയവും ഒരു സമനിലയുമായിട്ടാണ് ഇന്ത്യ ഫൈനലിലേക്ക് കുതിച്ചത്. കഴിഞ്ഞ മത്സരത്തില് കാനഡയെ മൂന്നിനെതിരെ ഏഴ് ഗോളുകള്ക്ക് തകര്ത്ത് വന്ന ഇന്ത്യ, പോളണ്ടിന് മുന്നിലേക്കെത്തിയപ്പോള് കൂടുതല് ആക്രമണകാരികളായി. കളി തുടങ്ങി ആദ്യ ഏഴ് മിനിറ്റില് തന്നെ ഇന്ത്യന് പട രണ്ട് ഗോളിന്റെ ലീഡ് സ്വന്തമാക്കി.
വിവേക് പ്രസാദ് തുടങ്ങിവെച്ച ഗോള് വേട്ട അമിത് റോഹിന്ദാസ് അവസാനിപ്പിച്ചു. അപ്പോഴേക്കും ഗോള്വല ഇന്ത്യ പത്ത് വട്ടം ചലിപ്പിച്ചിരുന്നു. സുമിത്, വരുണ് കുമാര്, സുരേന്ദര് കുമാര്, സിമ്രാന്ജീത് സിങ്, മന്ദീപ് എന്നിവര് ഇന്ത്യയ്ക്ക് വേണ്ടി ഗോള് വല ചലിപ്പിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ