മലപ്പുറം: ഒരു ടീമിലെ പത്തുപേരും അക്കൗണ്ട് തുറക്കും മുമ്പേ പവലിയനിൽ തിരിച്ചെത്തുക. നാണക്കേടിന്റെ അപൂർ റെക്കോഡ് പിറന്നത് മലപ്പുറത്താണ്. പെരിന്തല്മണ്ണ ക്രിക്കറ്റ് സ്റ്റേഡിയത്തില് നടന്ന പെൺകുട്ടികളുടെ അണ്ടര് 19 അന്തര് ജില്ലാ ക്രിക്കറ്റ് മത്സരത്തില് കാസര്കോട് ടീമിനാണ് അപൂർവ റെക്കോഡ്.
വയനാടിനെതിരേ നടന്ന മത്സരത്തില് ബാറ്റിംഗിനിറങ്ങിയ കാസർകോട് ടീമിന്റെ പത്തുപേരും പൂജ്യത്തിന് പുറത്തായി.എല്ലാവരും പുറത്തായതാകട്ടെ ഒരേ രീതിയിലും, ക്ലീന് ബൗള്ഡ്.
വയനാട് ബൗളര്മാര് കനിഞ്ഞുനല്കിയ നാല് എക്സ്ട്രാ റണ്സ് ഉണ്ടായിരുന്നതിനാല് ടീം സ്കോര് പൂജ്യമാകാതെ കാസര്കോട് രക്ഷപ്പെട്ടു. അഞ്ചു റണ്സ് വിജയലക്ഷ്യവുമായിറങ്ങിയ വയനാട് ആദ്യ ഓവറില് തന്നെ വിജയവും കണ്ടു. അതും വിക്കറ്റൊന്നും നഷ്ടപ്പെടാതെ തന്നെ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ