സയിദ് മുഷ്താഖ് അലി ട്രോഫിയില് അസാമിനെതിരെ തകര്പ്പന് ഇന്നിങ്സ് പുറത്തെടുത്താണ് യുവതാരം പൃഥ്വി ഷായുടെ തിരിച്ചു വരവ്. ഉത്തേജക മരുന്ന് ഉപയോഗത്തിന്റെ പേരില് വിലക്ക് നേരിട്ടതിന് ശേഷമുള്ള തിരിച്ചു വരവില് 39 പന്തില് നിന്നും 63 റണ്സാണ് പൃഥ്വി അടിച്ചെടുത്തത്. പക്ഷേ അര്ധ ശതകം തികച്ചതിന് ശേഷമുള്ള പൃഥ്വിയുടെ പ്രതികരണത്തിനെതിരെ ആരാധകര് രംഗത്തെത്തി കഴിഞ്ഞു.
ബാറ്റ് സംസാരിക്കട്ടേ എന്നായിരുന്നു അര്ധശതകം നേടിയതിന് പിന്നാലെ പൃഥ്വി ബാറ്റ് ഉയര്ത്തി കാട്ടി പറഞ്ഞത്. യുവതാരത്തിന്റെ അമിത ആത്മവിശ്വാസമാണ് ഇതെന്ന് പറഞ്ഞാണ് ആരാധകരുടെ വിമര്ശനം. അസാം പോലൊരു ടീമിനെതിരെ അര്ധശതകം കുറിച്ചതിന് ഇത്തരമൊരു പ്രകടനം നടത്തിയത് വലിയ കാര്യമായി ചിത്രീകരിക്കുന്നതിനെതിരേയും ആരാധകര് വിമര്ശിക്കുന്നു.
ഏഴ് ഫോറും, രണ്ട് സിക്സും പറത്തിയായിരുന്നു പൃഥ്വിയുടെ ഇന്നിങ്സ്. വിനീതരാവാന് ഈ യുവതാരങ്ങളെല്ലാം പഠിക്കേണ്ടതുണ്ടെന്ന് ആരാധകര് ചൂണ്ടിക്കാണിക്കുന്നു. രാജ്യാന്തര ക്രിക്കറ്റില് ഈ അമിത ആത്മവിശ്വാസം കൊണ്ട് ജയം പിടിക്കാനാവില്ലെന്നും ആരാധകര് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ