ജമൈക്ക: ഐപിഎല്ലില്‍ കളിക്കുന്ന സമയവും വംശീയ അധിക്ഷേപത്തിന് ഇരയായിട്ടുണ്ടെന്ന് ജമൈക്കന്‍ താരം ഡാരന്‍ സമി. സണ്‍റൈസേഴ്‌സ് ഹൈദരാബാദിന് വേണ്ടി കളിക്കുന്ന സമയം തനിക്കും ലങ്കന്‍ താരം തിസാര പെരേരയ്ക്കും എതിരെ വംശീയ അധിക്ഷേപം നടന്നതായാണ് ഡാരന്‍ സമി പറയുന്നത്.
തന്നേയും തിസാര പെരേരയേയും കറുത്തവനെന്നാണ്(കാലു) വിളിച്ചിരുന്നത്. ആദ്യമൊന്നും കാലു എന്ന വാക്കിന്റെ അര്‍ഥം അറിയില്ലായിരുന്നു. കരുത്തുറ്റവന്‍ എന്നാണ് ആ വാക്കിന്റെ അര്‍ഥം എന്നാണ് കരുതിയത്. എന്നാല്‍ പിന്നീടാണ് അതിന്റെ അര്‍ഥം മനസിലാവുന്നതെന്നും സമി പറഞ്ഞു.
പൊലീസിന്റെ ക്രൂര മര്‍ദനത്തിന് ഇരയായി കൊല്ലപ്പെട്ട ഫ്‌ളോയിഡിന് നീതി തേടി ലോകം മുഴുവന്‍ പ്രതിഷേധം ഇരമ്പുന്നതിന് ഇടയില്‍ നിരവധി താരങ്ങളാണ് തങ്ങള്‍ക്ക് വംശീയ അധിക്ഷേപം നേരിട്ടതിനെ കുറിച്ച് വെളിപ്പെടുത്തി എത്തുന്നത്. വിന്‍ഡിസ് ടീമിനുള്ളില്‍ നിന്നും പുറത്ത് നിന്നും താന്‍ വംശീയ അധിക്ഷേപത്തിന് ഇരയായിട്ടുണ്ടെന്ന് വിന്‍ഡിസ് താരം ക്രിസ് ഗെയ്‌ലും പറഞ്ഞിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
