മുംബൈ: വിശന്നു വലഞ്ഞ് തെരുവില് നടന്ന കന്നുകാലികള്ക്ക് ഭക്ഷണം നല്കി ശിഖര് ധവാന്. മകനെ ജീവിതത്തിലെ മൂല്യങ്ങള് പഠിപ്പിക്കുന്നതിനും, എല്ലാവരോടും ദയയുള്ളവനാക്കുന്നതിനുമാണ് ഈ ശ്രമമെന്ന് ഇന്സ്റ്റഗ്രാമില് പങ്കുവെച്ച വീഡിയോയില് ധവാന് കുറിച്ചു.
ഈ പ്രതിസന്ധി ഘട്ടത്തില് കന്നുകാലികള്ക്ക് ഭക്ഷണം എത്തിക്കുക എന്നത് പ്രധാനപ്പെട്ടതാണ്. എന്റെ മകനിലേക്ക് ഇതിലൂടെ ഇത്രയും മഹത്തായ പാഠം പകര്ന്ന് നല്കാനായതില് ഞാന് അഭിമാനിക്കുന്നു. എല്ലാവരും തങ്ങളാല് കഴിയുന്നത് ചെയ്യണമെന്ന് അഭ്യര്ഥിക്കുന്നു, ധവാന് പറഞ്ഞു.
യാത്രയ്ക്കിടയില് വണ്ടിയില് നിന്നിറങ്ങി മകന് സൊരാവറിനൊപ്പം ധവാന് കന്നുകാലികള്ക്ക് ഭക്ഷണം നല്കുന്ന വീഡിയോയാണ് പങ്കുവെക്കുന്നത്. ധവാന്റെ ഭാര്യ ആയേഷ്യയും ഒപ്പമുണ്ട്. കന്നുകാലികളുടെ വിശപ്പകറ്റാന് ധവാനും കുടുംബവും നടത്തിയ ശ്രമത്തിന് കയ്യടിക്കുകയാണ് ആരാധകര്. ധവാനെ അഭിനന്ദിച്ച് ഹര്ഭജന് സിങ് ഉള്പ്പെടെയുള്ളവരുമെത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ