ന്യൂഡല്ഹി: ഓള് ഇന്ത്യാ ബാഡ്മിന്റണ് ഫെഡറേഷന് തഴഞ്ഞ എച്ച് എസ് പ്രണോയിയുടെ പേര് അര്ജുനാ അവാര്ഡിനായി നാമനിര്ദേശം ചെയ്ത് പരിശീലകന് പുല്ലേല ഗോപിചന്ദ്. അച്ചടക്ക നടപടിയുടെ പേരില് പ്രണോയുടെ പേര് നാമനിര്ദേശം ചെയ്യില്ലെന്ന് ബാഡ്മിന്റണ് അസോസിയേഷന് വെള്ളിയാഴ്ച വ്യക്തമാക്കിയിരുന്നു.
ബാഡ്മിന്റണ് ഫെഡറേഷന് നിലപാട് വ്യക്തമാക്കിയതിന് പിന്നാലെയാണ് പുല്ലേല ഗോപിചന്ദിന്റെ നീക്കം. അര്ജുനാ അവാര്ഡിനായി തുടരെ രണ്ടാം വട്ടവും തന്റെ പേര് തഴഞ്ഞതിനെ വിമര്ശിച്ച് പ്രണോയ് അസോസിയേഷനെതിരെ രംഗത്തെത്തിയിരുന്നു.
കോമണ്വെല്ത്ത് ഗെയിംസിലും, ഏഷ്യന് ചാമ്പ്യന്ഷിപ്പിലും മെഡല് നേടിയ താരത്തെ നാമനിര്ദേശം ചെയ്യുന്നു പോലുമില്ല. ഇതിലൊന്നും പങ്കെടുക്കാതിരുന്ന താരങ്ങളെ നാമനിര്ദേശം ചെയ്യുന്നതായും പ്രണോയ് ചൂണ്ടിക്കാട്ടി.
കേരളത്തില് നിന്നുള്ള ബാഡ്മിന്റണ് താരങ്ങളെ വര്ഷങ്ങളായി തഴയുന്നതിന്റെ ഭാഗമാണ് ഇതെന്നും പ്രണോയ് ആരോപിച്ചിരുന്നു. ഏഷ്യന് ബാഡ്മിന്റണ് ചാമ്പ്യന്ഷിപ്പില് മെഡല് നേടിയിട്ടുള്ള മൂന്നാമത്തെ മാത്രം ഇന്ത്യന് പുരുഷ വിഭാഗം സിംഗിള്സ് താരമാണ് പ്രണോയ്..
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ