എക്സ്ട്രാ കവറിലേക്ക് ഷോട്ട് പായിക്കാന് ലങ്കന് താരം ഹസരങ്കയുടെ ശ്രമം. ലെഗ് സൈഡിലേക്ക് മാറി നിന്ന ഹസരങ്കയുടെ കണക്കു കൂട്ടല് തെറ്റിച്ച് ബ്രാവോയുടെ ഡെലിവറിയെത്തിയതോടെ ആ ഡെലിവറിയില് ഹസരങ്ക ബാറ്റ് തൊട്ടത് പിച്ചിന് പുറത്ത് നിന്ന്.
ശ്രീലങ്ക-വിന്ഡിസ് ട്വന്റി20 പരമ്പരയിലാണ് സംഭവം. ലങ്കന് ഇന്നിങ്സിലെ 15ാം ഓവറിലെ നാലാമത്തെ ഡെലിവറിയാണ് ക്രിക്കറ്റ് പ്രേമികളെ കൗതുകത്തിലാക്കിയത്. ഷോര്ട്ട് ലെഗ് പൊസിഷനില് വന്ന് നിന്നാണ് ഹസരങ്ക ആ ഡെലിവറി നേരിട്ടത്.
ഇത്രയും പരീക്ഷണം നടത്തിയിട്ടും ബ്രാവോ ബുദ്ധി പ്രയോഗിച്ചപ്പോള് ഹസറങ്കക്ക് നേടാനായത് ഒരു റണ് മാത്രം. കവറിലേക്കടിച്ച് സിംഗിളെടുത്തതിന് പിന്നാലെ ബ്രാവോയും ഹസറങ്കയും തമ്മില് ആ ഡെലിവറിയിലെ തമാശ പങ്കിടുകയും ചെയ്തു. കളിയില് ശ്രീലങ്ക ഉയര്ത്തിയ 196 റണ്സ് വിജയ ലക്ഷ്യം പിന്തുടര്ന്ന് ശ്രീലങ്ക 171 റണ്സില് വീണു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ