ഇന്ത്യക്കാരുടെ പ്രിയപ്പെട്ട താരമാണ് കെവിന് പീറ്റേഴ്സന്. കൊറോണ വൈറസ് ഭീതിയില് ഇന്ത്യ നില്ക്കുമ്പോള് ആ സ്നേഹം തിരികെ നല്കി പീറ്റേഴ്സന് ഇന്ത്യന് ആരാധകരുടെ അടുത്തേക്ക് എത്തുന്നു.
കോവിഡ് 19ന്റെ ബോധവത്കരണത്തിനും, ആളുകള്ക്ക് ധൈര്യം നല്കുന്നതിനുമായി ഹിന്ദിയില് ട്വീറ്റ് ചെയ്താണ് പീറ്റേഴ്സണിന്റെ വരവ്. ഇന്ത്യന് അണ്ടര് 19 ടീം അംഗമായ ശ്രീവത്സ് ഗോസ്വാമിയാണ് ഇവിടെ പീറ്റേഴ്സണിന്റെ ഹിന്ദി ടീച്ചറാവുന്നത്.
നമസ്തേ ഇന്ത്യ, കൊറോണയെ തോല്പ്പിക്കാന് നമ്മളെല്ലാവരും ഒരുമിച്ച് നില്ക്കണം. സര്ക്കാരിന്റെ നിര്ദേശം അനുസരിച്ച് നമ്മള് വീടുകളില് തന്നെ കഴിയണം. കരുതലോടെയിരിക്കേണ്ട സമയമാണ് ഇത്. എല്ലാവരോടും സ്നേഹം. പീറ്റേഴ്സന് ട്വിറ്ററില് കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ