സിഡ്‌നി: രണ്ടാം ഏകദിനത്തില്‍ പന്തെറിഞ്ഞ് ഹര്‍ദിക് പാണ്ഡ്യ. ഓസ്‌ട്രേലിയന്‍ ഇന്നിങ്‌സിന്റെ 36ാം ഓവറിലാണ് ഹര്‍ദിക്കിന്റെ കൈകളിലേക്ക് കോഹ് ലി പന്ത് നല്‍കിയത്. മായങ്ക് അഗര്‍വാളും ഓസ്‌ട്രേലിയക്കെതിരെ ബൗള്‍ ചെയ്തു.
35ാം ഓവര്‍ ബൗള്‍ ചെയ്ത മായങ്ക് രണ്ട് ബൗണ്ടറിയാണ് തുടരെ വഴങ്ങിയത്. വിട്ടുകൊടുത്തത് 10 റണ്‍സും. ഹര്‍ദിക് പന്ത് കയ്യിലെടുത്തതിന്റെ ഫലം ഇന്ത്യക്ക് 41ാം ഓവറില്‍ തന്നെ ലഭിച്ചു. തന്റെ മൂന്നാം ഓവര്‍ എറിഞ്ഞ ഹര്‍ദിക്കിന്റെ ആദ്യ പന്ത് തന്നെ സെഞ്ചുറി എടുത്ത് നിന്ന സ്മിത്ത് ബൗണ്ടറി കടത്തി. എന്നാല്‍ രണ്ടാമത്തെ പന്തില്‍ സ്മിത്തിലെ ഹര്‍ദിക് വീഴ്ത്തി.
ഹര്‍ദിക്കിന്റെ ഔട്ട്‌സൈഡ് ഓഫായി എത്തിയ ഡെലിവറിയില്‍ കട്ട് ചെയ്യാന്‍ ശ്രമിച്ച സ്മിത്തിന് പിഴച്ചു. ഔട്ട്‌സൈഡ് എഡ്ജ് ആയ പന്ത് തേര്‍ഡ് മാനില്‍ ഷമിയുടെ കൈകളിലേക്ക് എത്തി. 64 പന്തില്‍ നിന്ന് 14 ഫോറും രണ്ട് സിക്‌സും പറത്തിയാണ് സ്മിത്ത് വഴങ്ങിയത്. തുടരെ രണ്ടാമത്തെ ഏകദിനത്തിലും സെഞ്ചുറി നേടി മിന്നും ബാറ്റിങ്ങുമായി സ്മിത്ത് നിറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
