ലോക്ക്‌ഡൗണ്‍ കാലത്ത്‌ മേക്ക്‌ഓവറിന്‌ മുതിര്‍ന്ന്‌ ഇന്ത്യന്‍ മുന്‍ നായകന്‍ കപില്‍ ദേവ്‌. തല മൊട്ടയടിച്ച്‌, താടിയില്‍ സോള്‍ട്ട്‌ ആന്‍ഡ്‌ പെപ്പര്‍ ലുക്ക്‌ കൊടുത്താണ്‌ കപില്‍ ദേവ്‌ പുതിയ സ്റ്റൈല്‍ പരീക്ഷിച്ചത്‌.
കപില്‍ ദേവിന്റെ പുതിയ ലുക്ക്‌ ആരാധകര്‍ക്കിടയില്‍ സംസാര വിഷയമായിട്ടുണ്ട്‌. കഴിഞ്ഞ ദിവസം സ്വയം മുടി ട്രിം ചെയ്‌ത്‌ പുതിയ ഹെയര്‍സ്റ്റൈലുമായി സച്ചിനെത്തിയിരുന്നു. എന്നാല്‍, ഇത്‌ കണ്ട്‌ പഠിക്കുവെന്നും കപില്‍ ദേവിനെ ചൂണ്ടി സച്ചിനോട്‌ ആരാധകര്‍ പറയുന്നത്‌. വിവ്‌ റിച്ചാര്‍ഡ്‌സുമായുള്ള സാദൃശം കണ്ട്‌, വിന്‍ഡിസ്‌ ഇതിഹാസത്തിന്റെ ബയോപിക്കില്‍ അഭിനയിക്കുകയാണോ എന്നെല്ലാം ആരാധകര്‍ ചോദിക്കുന്നുണ്ട്‌.
ഇന്ത്യക്ക്‌ വേണ്ടി കളിക്കുന്ന സമയത്ത്‌ ചുരുളന്‍ മുടിയുമായി നിറഞ്ഞ കപില്‍ ദേവ്‌ പുതിയ പരീക്ഷണങ്ങളോട്‌ ഒരിക്കലും മുഖം തിരിച്ചിട്ടുമില്ല. ലോക്ക്‌ഡൗണ്‍ കാലത്ത്‌ ഇന്ത്യന്‍ ഇതിഹാസ താരത്തിന്റെ കിടിലന്‍ രൂപമാറ്റം കണ്ടതിന്റെ ത്രില്ലിലാണ്‌ ആരാധകര്‍.
Them- Men don't look attractive after 40.
Men at 61-
Kapil Dev paaji on fire #MondayMotivation pic.twitter.com/4aeRFoR0mm
Prajjval Tripathi
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
