മെല്ബണ്: ഓസ്ട്രേലിയയില് ഇന്ത്യക്കെതിരായ ടെസ്റ്റ് പരമ്പരയ്ക്കൊപ്പം ആവേശം കൂട്ടാന് ബിഗ് ബാഷ് ലീഗും ആരംഭിച്ച് കഴിഞ്ഞു. ഇവിടെ കഴിഞ്ഞ ദിവസമുണ്ടായ സിംഗിളാണ് ആരാധകരെ കൗതുകത്തിലാക്കുന്നത്. സിംഗിളിനായി ബാറ്റ്സ്മാന് ഓടിയത് പന്തും കൊണ്ട്...
മെല്ബേണ് സ്റ്റാര്സും, സിഡ്നി തണ്ടേഴ്സും തമ്മിലുള്ള മത്സരത്തിന് ഇടയിലായിരുന്നു സംഭവം. മെല്ബണ് സ്റ്റാര്സിന്റെ താരമായ നിക്ക് ലാര്ക്ക് സ്ലോഗ് സ്വീപ്പിന് ശ്രമിച്ചെങ്കിലും പന്ത് മിസ് ചെയ്തു. എന്നാല് പന്ത് നിലത്തേക്ക് വീണില്ല. ഒരു നിമിഷം പന്ത് എവിടെ എന്ന് കാണാതെ തപ്പിയ നിക്ക് ഒടുവില് സഹ താരത്തിന്റെ സിംഗിളിനായുള്ള നിര്ദേശത്തെ തുടര്ന്ന് ഓടി...
പിച്ചിന്റെ മധ്യഭാഗത്തേക്ക് നിക്ക് എത്തിയപ്പോള് ജേഴ്സിക്കുള്ളില് നിന്ന് പന്ത് നിലത്തു വീണു. കാര്യം തിരിച്ചറിഞ്ഞതോടെ ലാര്ക്കിനും ചിരി അടക്കാനായില്ല. എന്നാല് എതിര് ടീം താരങ്ങള് എതിര്പ്പ് ഉയര്ത്തി എത്തി. ഇതോടെ അമ്പയര് ആ സിംഗിള് നിഷേധിച്ചു. തൊട്ടടുുത്ത പന്തില് തന്നെ ലാര്ക്ക് പുറത്താവുകയും ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ