ഒരിക്കല് കൂടി സച്ചിനോട് നമ്മള് കടപ്പെട്ടിരിക്കുന്നു. കായിക ഓസ്കര് ആദ്യമായി ഇന്ത്യയിലേക്ക് എത്തിച്ചതിന്. 22 വര്ഷം ഇന്ത്യയെ തോളില് ചുമന്ന മനുഷ്യനെ വാംഖഡെയില് ഇന്ത്യ തോളിലേറ്റിയ നിമിഷം രണ്ട് ദശകത്തിനിടയിലെ ഏറ്റവും സുന്ദര നിമിഷമായി ലോറിയസ് തെരഞ്ഞെടുത്തു.
ഒരിക്കല് കൂടി രാജ്യത്തിന്റെ അഭിമാനമുയര്ത്തുന്ന നേട്ടത്തിലേക്കെത്തിയ മാസ്റ്റര് ബ്ലാസ്റ്ററെ അഭിനന്ദനങ്ങള് കൊണ്ട് മൂടുകയാണ് ക്രിക്കറ്റ് ലോകം. ഈ സമയം സച്ചിന് ആശംസയുമായി സൂപ്പര് താരം മോഹന്ലാലുമെത്തുന്നു.
എല്ലാ ഇന്ത്യക്കാര്ക്കും അഭിമാനകരമായ നിമിഷം. സച്ചിന്, നിങ്ങളിത് അര്ഹിക്കുന്നു...ഇന്ത്യന് ഇതിഹാസ താരത്തെ അഭിനന്ദിച്ച് മോഹന്ലാല് ട്വിറ്ററില് കുറിച്ചു. സച്ചിന് ആശംസയുമായി മോഹന്ലാല് എത്തിയത് ഇരുവരുടേയും ആരാധകര് ആഘോഷിക്കുന്നു.
മോഹന്ലാലിന്റെ ആശംസക്ക് മറുപടിയുമായി ഇനി സച്ചിന് എത്തുമോ എന്ന കാത്തിരിപ്പിലാണ് ആരാധകര്. കഴിഞ്ഞ 20 വര്ഷത്തിന് ഇടയില് കായിക ലോകത്തുണ്ടായ ഏറ്റവും നല്ല നിമിഷത്തിനുള്ള അവാര്ഡാണ് സച്ചിനെ തേടിയെത്തിയത്. രാജ്യത്തിന്റെ തോളിലേറി എന്ന തലക്കെട്ടില് സച്ചിനെ സഹതാരങ്ങള് തോളിലേറ്റി വാംങ്കഡെ സ്റ്റേഡിയം വലംവെക്കുന്ന ചിത്രമാണ് അവാര്ഡ് നേടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ