ബോളുവുഡ് ലോകവും ക്രിക്കറ്റും തമ്മില് വലിയ അടുപ്പമുണ്ട്. എംഎകെ പട്ടൗഡി മുതല് ഇപ്പോള് ഹര്ദിക് പാണ്ഡ്യ വരെ തങ്ങളുടെ ജീവിത സഖിമാരെ കണ്ടെത്തിയത് ബോളുവുഡ് ലോകത്ത് നിന്നാണ്. ബോളുവുഡില് നിന്ന് പുറത്ത് നിന്നാണ് ഇന്ത്യന് താരം സുരേഷ് റെയ്ന തന്റെ പ്രിയതമയെ കണ്ടെത്തിയത്. എന്നാല് ബോളിവുഡിലെ തന്റെ ക്രഷിനെ ഇപ്പോള് വെളിപ്പെടുത്തുകയാണ് ചെന്നൈ സൂപ്പര് കിങ്സിന്റെ ചിന്നത്തല.
ബോളിവുഡ് താരം സൊനാലി ബന്ദ്രെയോടുള്ള ക്രഷ് ജീവിത കാലം മുഴുവനുണ്ടാവും എന്നാണ് റെയ്ന പറയുന്നത്. കോളെജില് പഠിക്കുന്ന സമയം സൊനാലിക്കൊപ്പമുള്ള ഡേറ്റിങ്ങായിരുന്നു തന്റെ സ്വപ്നം.
തനിക്ക് സൊനാലിയില് നിന്ന് സന്ദേശം ലഭിച്ച നിമിഷം ഒരിക്കലും മറക്കാനാവില്ല, റെയ്ന പറഞ്ഞു. സിങ് ഗെയിം ഓണ് എന്ന ചാറ്റ് ഷോയില് തന്റെ കുടുംബ ജീവിതത്തെ കുറിച്ചും റെയ്ന സംസാരിച്ചു. മകളാണ് എന്നെ ഏറ്റവും കൂടുതല് പിന്തുണക്കുന്നത്.
മകള് ജനിച്ചതോടെ ഞങ്ങളുടെ ജീവിതം മാറി മറിഞ്ഞു. അവള്ക്കൊപ്പം ചിലവിട്ട നിമിഷങ്ങള് വിലമതിക്കാനാവാത്തതാണ്. ജനിച്ച ദിനം മുതല് അവള് എന്റെ സൈഡാണ്. യാത്രയിലും, ജിമ്മിലും അവളാണ് എനിക്കൊപ്പം, റെയ്ന പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ