മെല്‍ബണ്‍: തുടരെ മൂന്നാം ജയവും നേടി ട്വന്റി20 ലോകകപ്പ് സെമി ഫൈനല്‍ പ്രവേശനം ഇന്ത്യ പെണ്‍പട ആഘോഷമാക്കിയതിന്റെ ത്രില്ലിലാണ് രാജ്യത്തെ ക്രിക്കറ്റ് പ്രേമികള്‍. ന്യൂസിലാന്‍ഡിനെതിരായ ത്രില്ലിങ് ജയത്തിന് പിന്നാലെ സെക്യൂരിറ്റി ഗാര്‍ഡിനൊപ്പുള്ള ഇന്ത്യന്‍ താരത്തിന്റെ ഡാന്‍സും ആഘോഷത്തിന് ഇരട്ടി മധുരം ചേര്‍ത്ത് എത്തുന്നു.
ന്യൂസിലാന്‍ഡിനെതിരായ കളി ജയിച്ച് മെല്‍ബണിലെ ജങ്ഷന്‍ ഓവല്‍ സ്‌റ്റേഡിയത്തിന്റെ ഇടനാഴിയിലൂടെ തിരികെ വരുമ്പോഴാണ് ഇന്ത്യന്‍ താരം ജെമീമ റോഡ്രിഗ്‌സ് തകര്‍പ്പന്‍ ചുവടുകളുമായി നിറഞ്ഞത്. ലവ് ആജ് കല്‍ 2ലെ പാട്ടിനൊപ്പമാണ് ഇരുവരും ചുവടുവെച്ചത്.
ഐസിസി ഇവരുടെ ഡാന്‍സിന്റെ വീഡിയോ പങ്കുവെച്ചതിന് പിന്നാലെ ആരാധകര്‍ അത് ഏറ്റെടുത്തു കഴിഞ്ഞു. ഇന്ത്യന്‍ സ്പിന്നര്‍ അശ്വിന്‍ ഉള്‍പ്പെടെയുള്ളവര്‍ ഇരുവരുടേയും ഡാന്‍സ് പങ്കുവെക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
