കഴിഞ്ഞ സീസണുകളില് കൊല്ക്കത്തക്കായി മികച്ച പ്രകടനം പുറത്തെടുത്ത താരമാണ് ശുഭ്മാന് ഗില്. ആ വർഷം ഐപിഎല്ലില് ഗില്ലിനെ കൊല്ക്കത്ത നൈറ്റ് റൈഡേഴ്സിന്റെ നായകനാക്കണമെന്ന് ഏറെ നാളായി ആരാധകർ ആവശ്യമുന്നയിക്കുന്നുണ്ട്. എന്നാൽ ഈ സീസണിലും കൊല്ക്കത്തയെ നയിക്കുന്നത് ദിനേശ് കാര്ത്തിക്ക് തന്നെയായിരിക്കുമെന്ന് ടീം മാനേജ്മെന്റ് വ്യക്തമാക്കിയതോടെ ഈ ആഗ്രഹം പൊലീഞ്ഞു.
ഇപ്പോഴിതാ കൊല്ക്കത്ത ടീമിന്റെ സഹ ഉടമയായ ബോളിവുഡ് സൂപ്പര് താരം ഷാരൂഖ് ഖാനോടാണ് ഈ ചോദ്യം ആരാധകർ ഉന്നയിച്ചിരിക്കുന്നത്. ഷാരൂഖ് ഖാന് ട്വിറ്ററില് ആരാധകരുമായി സംവദിക്കുന്നതിനിടെ ഒരു ആരാധകനാണ് ഈ ചോദ്യം ഉന്നയിച്ചത്.
'എന്നാണ് ശുഭ്മാന് ഗില്ലിനെ നായകനാക്കുക', എന്നായിരുന്നു ചോദ്യം. താങ്കളെ കൊല്ക്കത്തയുടെ മുഖ്യപരിശീലകനാക്കുമ്പോള് ഗില്ലിനെ കൊല്ക്കത്തയുടെ നായകനാക്കാം എന്നായിരുന്നു ഷാരൂഖ് ഈ ചോദ്യത്തിന് മറുപടി നൽകിയത്. നിലവിൽ ഇന്ത്യ എ ടീമിന്റെ നായകനാണ് ഗില്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ